Хамгийн найдвартай автомашинуудыг нэрлэв

.

HotCars цахим хэвлэл 2024 оны хамгийн найдвартай, бат бэх автомашинуудын чансааг гаргажээ.

2024 онд 300 мянга гаруй автомашины (2000-2025 оны загвар) мэдээлэлд дүн шинжилгээ хийхдээ тоормос чихрах зэрэг бага зэргийн чимээнээс эхлээд цахилгаан хөдөлгүүртэй автомашины сул тал, хурдны хайрцаг, батерейны ноцтой гэмтэл зэрэг согогуудад үндэслэн жагсаалтыг гаргасан байна.

Ийнхүү Японы Subaru компани чансааны нэгдүгээрт бичигдэж, автомашиных нь найдвартай байдал 68 оноогоор үнэлэгджээ. Subaru машинуудын угсралтын чанар нь өндрөөс гадна ашиглалтын хугацаа удаан гэж хэрэглэгчид үнэлдэг.

65 оноотойгоор хоёрт жагсаж буй Lexus автомашинууд найдвартайгаас гадна тав тухтай хэмээн дүгнэлээ. Гуравдугаар байрыг найдвартай байдлын маргаангүй хаан гэгддэг Toyota эзэлжээ.

Өнгөрсөн оны хамгийн найдвартэй автомашинуудын эхний аравт Honda, Acura, Mazda, Audi, BMW, Kia, Hyundai орсон байна.