УИХ-ын чуулганаар өсвөр үеийнхэнд үнэгүй ваучер тараах 18,3 тэрбум төгрөгийг дэмжиж баталлаа

УИХ-ын чуулганы хуралдаанаар Засгийн газраас дахин боловсруулж, өргөн барьсан 2025 оны төсвийн зардлаас хасагдахаар орж ирсэн кино урлагийг дэмжих сан, хүүхдүүдэд олгох Соёлын яамны ваучер УИХ дээр хасагдсангүй.  Тухайлбал УИХ-ын гишүүд танахыг нь эсэргүүцэж, зөвшөөрөхгүй гэдгээ илэрхийлэв. Ингээд санал хураахад чуулганаар Ч.Номин сайдын салбарын төсөвтэй холбоотойгоор соёлын бүтээлч үйлдвэрлэлийг дэмжих тухай хуулийн зарим зүйлийг танах санал 37,9 хувийн саналаар дэмжигдсэнгүй. Ч.Номин сайд ийнхүү төсвөө хамгаалж эцэст нь УИХ-аар дэмжүүллээ.