Путин АНУ-ын санаачилсан гал зогсоох тохиролцоог дэмжиж буйгаа илэрхийллээ

ОХУ-ын Ерөнхийлөгч Владимир Путин пүрэв гарагт /2025.03.13/ АНУ-ын санаачилсан гал зогсоох тохиролцоог дэмжиж буйгаа илэрхийлсэн ч хэд хэдэн нэмэлт тайлбар сонсохыг хүсэж, нөхцөл тавьсан байна. Путин Вашингтоны санаачилсан гал зогсоох тохиролцоог дэмжсэн нь сайн санааны хандлагыг илэрхийлж, АНУ-ын Ерөнхийлөгч Доналд Трамптай цаашид яриа хэлэлцээ хийх үүд хаалгыг нээх зорилготой байсан бололтой.

Гэхдээ Путин олон нарийн ширийн чухал зүйлийг цэгцлэх шаардлагатай гэдгийг онцолж, мөргөлдөөний үндсэн шалтгааныг арилгах ёстой гэжээ. Тэр Кремльд Беларусийн Ерөнхийлөгч Александр Лукашенкотой уулзсаны дараа “Дайсагналыг зогсоох саналыг бид хүлээн зөвшөөрч байна. Энэ санаа зөв, бид үүнийг мэдээж дэмжиж байгаа. Гэхдээ энэхүү гал зогсоох тохиролцоо нь урт хугацааны энх тайван байдалд хүргэж, хямралын суурь шалтгааныг арилгана гэж үзэж байна” хэмээсэн юм.

Трамп Путиний гаргасан мэдэгдлийг их итгэлтэй хэмээж Москваг зөв зүйл хийнэ гэдэгт найдаж буйгаа илэрхийлжээ. Харин Украины Ерөнхийлөгч Владимир Зеленский Путин гал зогсоох саналаас татгалзахаар бэлтгэж байгаа ч Трампт хэлэхээс эмээж байгаа гэсэн байна.

Эх сурвалж: Reuters