Украин гал зогсооход бэлэн гэдгээ илэрхийлж АНУ зэвсгийн тусламжаа үргэлжлүүллээ

Мягмар гарагт /2025.03.11/ Украин болон АНУ-ын төлөөлөгчид Саудын Арабд уулзаж хэлэлцсэн юм. Тэгвэл тус уулзалтын үеэр Украин АНУ-аас санал болгосон 30 хоногийн турш гал зогсоох тохиролцоог хүлээн авна гэж мэдэгджээ. Харин АНУ Украинд зэвсгийн тусламж, тагнуулын мэдээлэл нийлүүлэхээ үргэлжлүүлэх боллоо. Өнгөрсөн долоо хоногт АНУ энэ хоёрыг түр хугацаагаар зогсоогоод байсан юм.

АНУ-ын Төрийн нарийн бичгийн дарга Марко Рубио хэлэхдээ одоо энэхүү саналыг ОХУ-д танилцуулна, бөмбөг Москвагийн гарт шилжлээ гэсэн байна. Саудын Арабын Жидда хотод найман цаг гаруй үргэлжилсэн хэлэлцээний дараа Рубио “ОХУ-ын тал үүнд аль болох хурдан тийм гэж хариулна хэмээн найдаж байна. Ингэснээр бид хэлэлцээний хоёрдугаар шат буюу жинхэнэ хэлэцээг эхлүүлнэ” гэжээ.

Рубио нэмж Вашингтон ОХУ болон Украины хоёрыг аль болох хурдан бүрэн тохиролцоонд хүрэхийг хүсэж байгаа гэсэн юм. Москва үүнд ямар хариу өгөх нь тодорхойгүй. ОХУ-ын Ерөнхийлөгч Владимир Путин энхийн хэлэлцээ хийхэд бэлэн гэдгээ илэрхийлсэн. Гэхдээ Путин болон ОХУ-ын дипломатчууд гал зогсоох тохиролцоог дэмжихгүй, ОХУ-ын урт хугацааны аюулгүй байдлыг хамгаалах тохиролцоо л хийнэ гэсэн байгаа.

Эх сурвалж: Reuters