Эмнэлгийн алдаанаас болж өөрийн биш өөр хосын эсээр үр тогтоолгосон байжээ

АНУ-ын Жоржиа мужаас гаралтай Кристена Мюррей хиймэл үр тогтоолтоор (IVF) үр шилжүүлэн суулгуулсан ч хүү нь өөрийнх нь биологийн хүүхэд биш болж таарчээ. Энэ нь эмнэлгийн алдаанаас болсон ба хүүхдээ биологийн эцэг эхэд нь өгөхөөс өөр аргагүйд хүрсэн тул эмэгтэй шүүхэд өгчээ.

Тодруулбал Мюррей 2023 оны тавдугаар сард нэгэн эмнэлэгт IVF эмчилгээ хийлгэж жирэмсэн болсон байна. Гэвч тэрээр өөрийн болон сонгосон эр бэлгийн эсийн донорын аль алиных нь ч арьсны өнгөтэй тохирохгүй хүүхэд төрүүлснээр, хүүхэд нь  өөр хосынх болох нь тодорхой болжээ.

Тэр өөрөө гэрийн нөхцөлд хийдэг ДНХ-ийн шинжилгээний багц худалдан авч шинжилснээр төрүүлсэн хүүхэдтэйгээ биологийн ямар ч холбоогүй гэдгээ мэджээ.

Алдаа гарсан ч Мюррей хүүхдийг өөрөө өсгөхийг хүсэж, хэдэн сарын турш хамт байжээ. Гэвч биологийн эцэг эх нь хүүхдийн асран хамгааллын эрхийг шүүхээр цуцалж, өөрсөд дээрээ албан ёсоор авчээ.

Мюррей өмгөөлөгчийнхөө дамжуулан гаргасан мэдэгдэлдээ “Хүүхдээ тээж, түүнд хайртай болж, төрүүлж, эх үрийн  хооронд үүсдэг онцгой холбоог бий болсны дараа түүнийг минь надаас авчихна гэдэг үнэхээр даван туулахын аргагүй уй гашуу юм. Би энэ мэдрэмжээсээ хэзээ ч бүрэн сэргэхгүй байх” гэжээ.

Бүсгүй цагаан арьстай бөгөөд хар арьст хүү төрүүлсэн байна. Тэрээр хүүхдийн зургийг цахим орчинд нийтлэхгүйгээр барахгүй гэр бүл, найз нөхдөдөө ч харуулаагүй байна. Улмаар тэр өөрөө гэрийн нөхцөлд хийдэг ДНХ-ийн шинжилгээний багц худалдан авч шинжилснээр төрүүлсэн хүүхэдтэйгээ биологийн ямар ч холбоогүй гэдгээ баталгаажуулжээ. Үүний дараа тэр эмнэлэгт мэдэгдсэн бөгөөд эмнэлэг бодит эцэг эхэд нь энэ тухай хэлсэн байна.

Харин Мюррейгийн өөрийн үр хөврөлийг өөр хосод андуурч шилжүүлсэн үү, эсвэл эс яасан эсэх нь тодорхойгүй хэвээр байна

Биологийн эцэг эх нь хүүхэд гурван сартай байх үед шүүхэд хандаж, асран хамгааллын эрхийг нэхэмжилжээ. Мюррей гэр бүлийн шүүх дээр ялалт байгуулах ямар ч боломжгүй гэж өмгөөлөгч нь зөвлөсний дараа хүүхдийг өөрийн хүслээр өгөхөөс аргагүй болжээ. Одоо хүүхэд өөр нэртэйгээр өөр мужаас гаралтай биологийн эцэг эхийн хамт амьдарч байгаа аж.   Шүүхэд гаргасан өргөдөлд дурдсанаар, эмнэлэг Мюррейгийн үр хөврөлийг өөр хосод андуурч шилжүүлсэн үү, эсвэл эс яасан эсэх нь тодорхойгүй хэвээр байгаа аж.

Эмнэлэг CBS News агентлагт мэдэгдэл хийхдээ уг алдааг хүлээн зөвшөөрч, харамсаж байгаагаа илэрхийлсэн байна.   “Энэ бол цорын ганц тохиолдол бөгөөд өөр ямар ч үйлчлүүлэгч үүнээс болж хохироогүй. Энэ алдааг илрүүлсэн даруйдаа бид дотоод хяналт, шалгалтыг нэн даруй явуулж, үйлчлүүлэгчдийг ийм зүйлээс хамгаалах нэмэлт арга хэмжээ авсан" гэж мэдэгджээ.  Сүүлийн жилүүдэд АНУ-д IVF иймэрхүү алдаанаас болж хэд хэдэн шүүхийн маргаан үүсээд байна.

Эх сурвалж: CNN