13 настай хүүхэд газ үнэрлэж хордож нас барсан байж болзошгүй байдалтай олджээ

Энэ оны аравдугаар сарын 31-ний өдөр "Бага насны хүүхэд нас барсан байна" гэх дуудлага мэдээллийн дагуу цагдаагийн байгууллагаас шалгалтын ажиллагаа явуулахад дулаан зогсоол дотор байсан автомашин дотор 13 настай эрэгтэй Ц нь ил харагдах гэмтэл шархгүй нас барсан байна.

Урьдчилсан байдлаар амь хохирогч Ц нь ахуйн хэрэглээний газ үнэрлэж хордож нас барсан байж болзошгүй үйлдэл тогтоогдоод байна.

Иймд эцэг эх асран хамгаалагч та бүхэн хүүхдэдээ тавих хараа хяналтаа сайжруулж болзошгүй эрсдэлээс урьдчилан сэргийлээрэй хэмээн Цагдаагийн Ерөнхий Газраас сэрэмжлүүлэн мэдээллээ.