Боксчид олимпийн эрхийн төлөө Бакуг зорилоо

Монголын боксын үндэсний шигшээ багийн тамирчид өнөөдөр Олимпийн эрх олгох сүүлийн тэмцээндээ оролцохоор Азербайжан улсын нийслэл Баку хотыг зорилоо. Уг тэмцээн зургаадугаар сарын 16-25 ны өдрүүдэд болох бөгөөд жин тус бүрийн эхний таван байрт шалгарсан боксчдод олимпийн эрх олгох юм.
Манай шигшээ багаас Бакуд олимпийн эрхийн төлөө 52 кг Х.Энх-Амар, 56 кг Э.Цэндбаатар, 75 кг Н.Шинэбаяр, 81 кг С.Эрдэнэбаяр нар тулалдах юм.

Монголын боксын холбооны тэргүүн дэд ерөнхийлөгч Э.Бадар-Ууган, шигшээ багийн ахлах дасгалжуулагч Д.Батсүрэн, Б.Эрдэнэбаяр, зөвлөх дасгалжуулагч Х.Алтанхуяг, бэлтгэл хангагчаар Б.Мишээлт нар багийн бүрэлдэхүүнд багтжээ.