Л.Энх-Амгалангийн гэргий Сэржмядаг Монголын топ 300-н баяныг цуглуулж, лазер шоу хийлээ

Монголын топ баячуудын нэг болох МCS группийн Тэргүүн дэд Ерөнхийлөгч асан, УИХ-ын гишүүн Л.Энх-Амгалангийн гэргий

Сэржмядаг саяхан Монголын топ 300 баяныг урьж оролцуулсан нүсэр лазер шоуг зохион байгуулсан байна.

Яармагийнгүүрний хажууханд байрлах “Mongolian star Melchers” компанийн байрандзохионбайгууллагдсан угарга хэмжээ хатуу чанга харуул хамгаалалтын дор болж, гадны хүнийг үл нэвтрүүлж байснаас үзэхэд нууцлаг эрхмүүд олноороо очсон нь ойлгомжтой.

Оройн 20 цагаас эхэлсэн уг шоу үдшийн 00 цаг хүртэл үргэлжилсэн бөгөөд Гадаад харилцааны сайд Л.Болдоос авахуулаад энгийн үед эрээд олддоггүй эрхмүүд энэхүү үдэшлэгт ёстой л нэг тааваараа тухалсан юм байх.

Мэдээж юун 300 баяныг урьж оролцуулсан шоу болдог билээ гэж уншигч та гайхаж байгаа биз. Тэгвэл Л.Энх-Амгалангийн гэргий Сэржмядаг “Хүний хүслийн биелүүлдэг” компани байгуулсан бөгөөд нээлтийн арга хэмжээг нь ийм байдлаар тун нууцлаг бас нижгэр тэмдэглэсэн аж.

Хүн та мөнгөтэй л бол юу хүссэнээ Сэржмядаг захирлын компанид даатгаж болох юм. Тухайлбал Бритни Спийрстэй Хөвсгөл нуурынхаа эрэг дээр хоол идье гэвэл Сэржмядаг хатагтай өөрийн харилцаа холбоо, онгоц зэргээ ашиглаад шууд л хүслийг тань биелүүлэх гэнэ.

Оройн зоогоо Америкаас эсвэл Канадаас захиалөөд өөрийн гэртээ идье гэвэл бас л таны энэхүү хүсэл биелэх боломжтой. Ер нь эрхэм та юу хүснэ, тэр бүхнээ Сэржмядаг хатагтайн хүслийг биелүүлэгч компанид дуулгачихад шууд л биелэх боломжтой. Нэг ёсондоо хүслийг биелүүлэгч Бирд шиг үйлчилгээ үзүүлэх юм уу даа. Ийм нэгэн шинэлэг бөгөөд мэдээж зөвхөн дээд зиндааныханд зориулсан гайхамшигтай, чихэндээ ч итгэмгүй үйлчилгээг Л.Энх-Амгалан гишүүний гэргий Сэржмядаг бий болгож буйгаа зарлаж лазер шоуг томчуудынхаа хамт тэмдэглэн өнгөрүүлжээ.

Тэгэхдээ чадаж байгаа юманд арга алга. Үнэхээр сэтгэж чадсан бизнес байгаа биз. Буян, хүмүүнлэгийн үйлст байнга хөрөнгө хаяж, биеэ эвч яваа байдал, гадаад төрх, сайхан сэтгэлээрээ үргэлж бусдын хайрыг татаж чаддаг Сэржмядаг ийнхүү дэлхийн топ баячуудад зориулсан бизнесийг анх удаа Монголдоо нэвтрүүллээ.

http://tvmongolia.mn/read/22