Алдарт хуурч Жамъянгийн хэрэглэж байсан хуур алдагджээ

Дорнод аймгийн Музей, орон нутгийн сан хөмрөгт энэ сарын 13-ны өдрөөс эхлэн долоо хоногийн хугацаатай хяналт шалгалтыг хийжээ. Шалгалтаар хэд хэдэн ноцтой зөрчил илэрч, алдагдсан эд өлгийн зүйлийг олох, эрэн сурвалжлуулахаар цагдаагийн байгууллагад Мэргэжлийн хяналтын газрын дарга нь хандчихаад байгаа аж.

Халхгол, Булган, Цагаан-Овоо, Баяндун, Дашбалбар сумд ховор, чухал нийт 28 ширхэг үзмэр, эд өлгийн зүйлс алджээ.

Тодруулбал, Монгол Улсад хоёрхон ширхэг байдаг Ардын жүжигчин, алдарт хуурч Жамъянгийн хэрэглэж байсан ширэн цартай морин хуур, тухайн музейн албан тушаалтны ажлын хариуцлагагүй байдлаас үүдэн алга болжээ.