Өнөөдрийн цаг агаарын мэдээ

Өнөөдөр төв болон зүүн зүгийн нутгаар бага зэргийн цас орж, зүүн зүгийн нутгаар салхи шуургатай хүйтэн байна.

Ихэнх нутгаар үүлшинэ. Төвийн нутгийн зарим газар, зүүн зүгийн нутгийн баруун хэсгээр бага зэргийн цас орно. Салхи хойноос секундэд 5-10 метр, зарим газраар секундэд 12-14 метр, говийн нутгаар түр зуур секундэд 16-18 метр хүрч шороон болон цасан шуурга шуурна. Дархадын хотгор, Эгь-Үүр, Хараа, Ерөө, Орхон-Сэлэнгэ, Туул, Тэрэлж, Хэрлэн, Онон, Улз, Халх голын саваар 6-11 градус хүйтэн, Их нууруудын хотгор, Алтайн өвөр говь болон говийн нутгийн өмнөд хэсгээр 10-15 градус, Алтайн уулархаг нутаг, говийн нутгийн хойд хэсгээр 5-10 градус дулаан, бусад нутгаар 2 градус хүйтнээс 3 градус дулаан байна.

Улаанбаатар хотноо үүлшинэ. Бага зэргийн цас орно. Салхи зүүнээс секундэд 12-14 метр хүртэл ширүүсч шороон болон цасан шуурга шуурна. 0-2 градус дулаан байна. Өглөө 05 цагт Улаанбаатарт: 15 градус хүйтэн, харьцангуй чийг 53 хувь, агаарын даралт 864 гектопаскаль байлаа. Даралт өдөртөө буурна.