Үүрэн телефоны операторууд бие бие лүүгээ дайрч эхэллээ

Хамгийн хямд ярианы тарифийг зах зээлд нэвтрүүлэх тал дээр үйлчүүлэгчиддээ боломжийн санаа өгч ажилладаг гэгддэг Скайтел компанийг оюуны өмчийн хулгай хийсэн талаар мэдээллийн хэрэгсэлүүдээр шуугисны дараа Юнител групп хэрэглэгчдийг нь өөртөө татах тал дээр “Барбарос” төлөвлөгөө боловсруулжээ. Хоёр хар хэрээ биенийхээ харыг гайхав гэгчээр өөрсдөө ч бас дэлхийд алдартай “Apple” – ийн ногоон алимыг хуулбарласан газар. Дээрх төлөвлөгөөнийхөө дагуу “Юнител” групп хэрэглэгчид рүүгээ тусгай дугаараас Скайтелийн оюуны өмчийн хулгайн талаар доорхи утгатай мэдээллийг өдөр шөнөгүй цацаж эхэлжээ. Хэн нэгний захиалгаар аль эсвэл өөрсдийн булхайг нуун өрсөлдөгч компанийнхаа нэр хүндэд ШӨХТГ-аас шударга өрөлдөх шаардлагыг үл тоосондоо тэр үү нэг дугаарт 3-4 удаа доорхи мэдээлэл хүрч байна. Тэгэхдээ  уг мэдээллийг хүргэхдээ хэн нэгний явуулгаар хүргэж байгаа ч юм шиг хар төрж байна. Учир нь доорх зурган дээр 98-тай  дугаарын эхлэл орсон болохоор G-гийнхэнтэй сүжирч илгээгээд ч байгаа юм шиг харагдах аж. Энэ бүхнээс харахад үүрэн телефоны операторууд бие бие лүүгээ дайраад ч байгаа юм шиг ээ.

Мөн секундээр тооцох ярианы төлбөрийн асуудал дээр одоогоор ямар нэгэн байр суурь илэрхийлээгүй байгаа тус компанийнхан нэг талдаа үнэгүй мэт харагдах цэнэглэгч картуудыг худалдаанд гаргаж байгаад иргэд ихэд дургүйлхэж байгаа аж. Учир нь Допинг үйлчилгээний шинэ цэнэглэгч карт болох 5, 10 мянгын картууд нь сүлжээндээ 14 хоног үнэгүй хэмээн сурталчилж байгаа ч тус картаар цэнэглээд бусад сүлжээ рүү ярихад харин ч урдынхаасаа илүү нэгж унадаг боллоо хэмээн бухимдаж байгаа юм. Ихэвчлэн оюутнууд барьдаг гэгддэг Юнителийн дугаарууд үнэгүй тараагдсанаасаа болж л үнэ хүндээ алдсан бөгөөд эдүгээ тэр нэрээ цэвэрлэхийн тулд олон башир арга хэрэглээд ч байгаа юм уу гэмээр. Дараа төлбөрт нь л гэхэд багцын хураамжнаасаа хэтэрч амжаагүй шахам байхад хаагдаж, гаднаас дуудлага авахаа ч больдог асуудал үргэлж л гардаг билээ. Тэгээд ч таны утас руу залгахад “Төлбөрийн тооцоо хийгдээгүйн улмаас түр салгагдсан байна” гээд хамтран ажиллагч байгууллага бизнесийн түншүүдийн чинь залгах тоолонд хэлээд байвал сайхан байх уу. Хэрэглэгч хэрэглэсэн л бол төлбөрөө төлж л таарна. Тэгтэл хувь хүнийг иймэрхүү утгаар бусдад таниулж буй энэ хариултаа ч бодож үзмээр.