Баяр амралтын өдрүүдэд хүчтэй салхи шуурга шуурч, эрс хүйтэрнэ

2013 оны 3 дугаар сарын 7-ны өдөр баруун аймгуудын нутгаар, 8-ны өдөр ихэнх нутгаар, 9-ний өдөр говийн болон зүүн аймгуудын нутгаар салхи 18-20 м/с, зарим газраар түр зуур 28-30 м/с хүрч хүчтэй цасан болон шороон шуурга шуурч, агаарын температур 8-ны өдөр баруун хагаст, 9-ний өдөр нутгийн зүүн хагаст өмнөх хоногоосоо 5-15 градусаар хүйтэрнэ.

Иймээс хүчтэй салхи шуурганы үед зам, даваа хаагдах, үзэгдэх орчин хязгаарлагдах тул авто болон агаарын тээвэр, төмөр зам зэрэг байгаль цаг агаараас хамаарал бүхий аж ахуйн нэгж, байгууллагууд, иргэд, малчид, тээвэрчидийг цаг агаарын аюулт болон гамшигт үзэгдлээс урьдчилан сэргийлж, ажил төрлөө зохицуулах арга хэмжээ авахыг онцгойлон анхааруулж байна.