“Оскар”-ын шилдэг киногоор “Арго” шалгарлаа

Өнгөрсөн оны шилдэгүүдийг тодруулдаг “Оскар 2013” наадам амжилттай зохион байгуулагдаж дууслаа. Энэ удаагийн шилдэг киног АНУ-ын тэргүүн хатагтай Мишель Обама Вашингтоноос телемостоор зарласан нь хамгийн онцлох үйл явдал байсан юм. Оскарын шилдэг киноны төлөө “Линкольн”, “Хайр”, Пигийн амьдрал”, “Зэрлэг өмнөдийн араатнууд”, “Няцаалт”, “Чөлөөлөгдсөн Жанго” зэрэг бүтээлүүд өрсөлдсөн билээ. Харин Оскарын эзэн болсон  “Арго” кино нь бодит үйл явдлаас сэдэвлэн бүтээсэн бөгөөд Бен Аффлек найруулж, өөрөө гол дүрд нь тоглосон юм.

Кино сонирхогчид уг нь “Линкольн”-ыг шилдэгээр шалгарна гэдэгт итгэлтэй байсан ч “Арго” кино шилдэгээр тодорлоо. Иранд барьцаалагдсан америкчуудын тухай түүхэн явдлаас сэдэвлэн бүтээсэн “Арго” кино бол Бен Аффлекийн хувьд найруулагчийн хамгийн томоохон анхны ажил байсан юм. Тэрбээр шагнал гардан авах мөчид эхнэртээ хандан “Миний энд байгаа шалтгаан бол миний гэргий юм. Чамаараа маш их бахархдаг. Чи бол миний бүх зүйл” хэмээн баярын сэтгэгдэлээсээ хуваалцсан билээ.  Харин олон нийтийн хамгийн олон шагнал хүртэнэ хэмээн найдаж байсан С.Спилбергийн “Линкольн” кино долоон төрөлд нэр дэвшсэн ч ердөө ганц төрөлд буюу шилдэг эрэгтэй гол дүрийн номинацад жүжигчин Даниель Дэй Льюис авсан. Гол дүрийн шилдэг эмэгтэй жүжигчин Жессика Чэстэйн, шилдэг хошин мюзикл кино “Les Miserables”, шилдэг найруулагчаар Бен Аффлек шалгарчээ. Харин шилдэг хүүхэлдэйн киногоор “Brave” тодров. Мөн шилдэг кино зохиолоор Квинтин Тарантиногийн “Django Chained” бүтээл, шилдэг киноны дуу Адель “Skyfall”, телевизийн шилдэг цуврал, “Homeland” зэрэг тус тус байр эзэллээ.