Шинэ жолоочийн үнэмлэхээс бусад бүх үнэмлэх хэвлэгдсэн

Одоогийн байдлаар өнгөрсөн оны наймдугаар сард жолооны курс төгсч, үнэмлэхээ захиалсан иргэдийн үнэмлэхийг хэвлэж байгаа бөгөөд  нийт 39 мянган жолооны үнэмлэх хэвлэсэн байгаа аж. Харин жолооны үнэмлэхний ангилал ахиулах, хаяж, үрэгдүүлсэн зэрэг дахин жолооны үнэмлэх авах иргэдийн үнэмлэх хэвлэлтээс гарч дууссан байна.

Ийнхүү урьдны хүлээгдэж байгаа үнэмлэхэн дээр шинээр үнэмлэх авах гэсэн, хаяж үрэгдүүлсэн учраас дахин үнэмлэх авах зэрэг хэвлэлтийн захиалгад өдөртөө 400-500 захиалга ирдэг байна. Ямартай ч өдөрт 1200-1300 жолооны үнэмлэхийг хэвлэж байгаа бол үлдсэн, хүлээгдэж буй 30 гаруй мянган үнэмлэхийг гуравдугаар сарын эхээр хэвлэж дуусгах аж.

Дашрамд дурьдахад, шинэ жолоочийн үнэмлэхээ сургалтын төвөөсөө 12.500 төгрөг төлөөд авах бол, бусад зориулалтаар үнэмлэх авч байгаа бол Замын цагдаагийн газраас очиж авах юм.

Т.Анир.ugluu.mn