Ерөнхий сайдын хүн

Монгол-Оросын хамтарсан уулын баяжуулах “Эрдэнэт” үйлд­вэрийн ерөнхий захирлын үүрэг гүйцэтгэгчээр томилогдсон Ц.Даваацэрэнг ийнхүүторгох болсон гэнэ. Учир нь түүнийг мөн л Ерөнхий сайдын хүн гэгддэг Төрийн өмчийн хороо­ны дарга болоод удаагүй бай­гаа Д.Цогтбаатар томилсныг бүгд мэднэ.

Ц.Даваацэрэнг “Эрдэнэт”-ийн ерөн­хий захирлын үүрэг гүй­цэтгэг­чээр томилогдохоос өмнөУИХ-ын гишүүн асан Д.Зоригтыг энэ суудалд суух нь гэсэн мэдээлэл гарч байсан. Гэсэн ч болж буй үйл явцаас харахад Ерөнхий сайд бодлоо  өөрчилсөн бололтой.

“Эрдэнэт” хэмээх их айлыг толгойлохоор болсон Ц.Даваацэрэн нь Бор-Өндөрийн уурхайгаас ажлын гараагаа засварчнаар эхэлж байсан нэгэн аж. Улмаар механик, цехийн дарга, орлогч дарга болтлоо дэвшиж бай­жээ. Үүнийхээ дараа Дарханы Төмөр­лөгийн үйлдвэрт ажиллаж хүмүүсийн нүдэнд өртөх болсон гэнэ. Тэрбээр Дарханы Төмөрлөгийн үйлд­вэрт ажиллах хугацаандаа тус үйлдвэрийг алдагдлаас гаргаж байсан туршлагатай нэгэн аж. Ажиллах хугацаандаа гурван ч уурхайг алдагдлаас гаргаж, хэр чадварлаг менежер гэдгээ нотолж байсан юм байх. Үүнийхээ дараа тэрбээр Улаанбаатарт суурьшиж, Ашигт малтмалын хэрэг эрхлэх газарт ажиллах болсон .  Энэ бүхнийг нь харгалзаж үзсэн үү. Ц.Даваацэрэн гэгч энэ эрхэм “Эрдэнэт” хэмээх их айлын ирэх дөрвөн жилийн хэтийг зурахад ойрхон байгаа юм. Хэдийгээр одоохондоо үүрэг гүйцэт­гэгч гэгдэж байгаа ч түүнийг энэ суудалд жинхэлнэ гэсэн бодолтой хүн цөөнгүй байгаа аж.

Ямартай ч түүнийг “Эрдэнэт”-ийн ерөнхий захирлаар жинхэлнэ гэдэгт итгэлтэй хүн олон байгаагийн хэрээр дургүйцэх хүн олон байгаа аж. “Ерөнхий сайдын хүн” хэмээн голчилж эхэлснээс нь харахад шүүдээ.

Р.САРАНГОО