Сү.Батболд, Ц.Нямдоржийн эзгүйд…

Ардын намынхан өчиг­­дөр завгүй өнжлөө. УИХ дахь бүлгийн ги­шүүд болон намын удирдлагууд нийлсэн өргөн бүрэл­дэ­хүүнтэйгээр Тусгаар тогт­нолын ордондоо хуралд­жээ. Тэд  Ерөнхийлөгчийн сонгуулийн тухай ярилц­сан гэнэ. Хачирхалтай нь намын экс дарга Сү.Бат­болд болон Ц.Нямдорж нар эзгүй байв. Тэд гадаадад яваа юм байна. Сү.Батболд Португали, Ц.Нямдорж Солонгост байгаа аж. Экс дарга нь нөгөөдөр ирэх бол Хууль зүйн экс сайд Ц.Нямдорж Солонгост шинэлэх сурагтай. Тэрээр энэ сарын 18 хүртэл УИХ-ын даргаас чөлөө авсан байна. Тэд хувийн ажлаар явцгаажээ. Нэгэн үе на­мын шийдвэрт нөлөө бү­хий оролцдог байсан хоёр эрхмийн эзгүйд МАН-ынхан дарга, цэ­рэг­гүй нийлж хуралдсан нь улс төрийн хүрээ­нийх­ний дунд хардлага төрүүлж байна.

Өргөтсөн хурлаар хэ­лэлцсэн сэдэв нь ч ха­луухан. Ерөнхийлөгчид хэнийг нэр дэвшүүлэхээ ярилцсан нь тус нам доторх бүлэг фракцуудын зөрчил хурцадсаных биз. Сонгуулийн өмнө ийм дүр зураг МАН-аас ажиг­лагд­даг. Гэхдээ Ардчилсан намынхан сонгуулийн бэлтгэлээ өнгөрсөн оноос базааж сурталчилгаагаа аль хэдийнэ эхэлчихсэн. Тэгтэл одоог хүртэл таг чиг байсан Ардын намынхан өчигдрөөс л Ерөнхий­лөг­чийн сонгуулийн тухай ярьж эхлэв.

Тус намын дарга нар өнгөрсөн сард Со­лонгост очиж хуралдсан гэх. Энэ удаад экс удирд­лагаа гадаад яваад  эзгүй хойгуур нь эх орондоо хуралдав. Тэгэхээр МАН-аас Ерөнхийлөгчийн сон­гуульд нэр дэвших эрхэм Сү.Батболд, Ц.Нямдор­жийн талын хүн биш бо­лолтой.

Зууны мэдээ