Эрчим хүчний яаманд халджээ

АНУ-ын Эрчим хүчний яам кибер халдлагад өртжээ. Үл мэдэх бүлэг хакерч өнгөрөгч мягмар гаригт тус яамны компьютеруудад халдсан аж. “Тэд яамнаас өнгөрөгч сарын дундуур авч хэрэгжүүлж эхэлсэн кибер халдлагаас сэргийлэх ажлаас болж ийм үйлдэл хийсэн” гэж Эрчим хүчний яам үзэж буйгаа мэдээлжээ. Уг яам дээрх ажлын хүрээнд ажилтнууд болон түүний ойр дотныхны хувийн мэдээлэлд нэвтрэх боломжийг хаасан байна.