Ургамал идэшт одой “динозавр”

Эрдэмтэд одоогоос 200 сая жилийн тэртээ амьдарч байсан шинэ төрлийн ургамал идэшт динозаврын чулуужсан үлдэцийг Өмнөд Африкаас илрүүлжээ. Энэ нь “Heterodontosaur” хэмээх шувуу төрхтэй, хурц соёо ургамал идэшт өвөрмөц нэгэн зүйл динозавр бөгөөд эрүүний маш онцгой хөгжил, бүтэцтэй амьтан байжээ. Махчин амьтдаас биеэ хамгаалах зорилгоор “соёо”-гоо ирлэдэг байсан эл амьтан Өмнөд Африкийн уул ус, ургамал ногоо нь тэгширсэн ширэнгэд амьдардаг байсан гэнэ.