Фэйсбүүк шинэ хайлтын системээ танилцуулж, Гүүглтэй өрсөлдөхөөр болжээ.

Уг хайлтын систем нь фэйсбүүк хэрэглэгчдийн мэдээллүүдийг нэгтгэн, тэндээсээ хайлт хийдэг байна. Тухайлбал, хайлтын систем дээр “People who like cycling and are from my hometown” гэж хайхад тантай ойролцоо амьдардаг, дугуй унах дуртай хүмүүс хайлтын үр дүнд гарч ирэх аж.  Зөвхөн хүмүүс биш газар, эд зүйл, дуу хөгжим, зураг гээд олон агуулгаар хайх боломжтой. Гүүгл компани урьд нь ийм хайлтын систем хийх гээд амжилтгүй болж байжээ. Одоогоор Америкт туршилтын хэлбэрээр  ажиллаж байгаа тус сошиал хайлтын систем нь маш хурдан ажиллагаатай бөгөөд хэрэв амжилттай хэрэгжиж эхэлбэл Гүүглээс илүү ашиглагдана гэж үзэж байгаа аж.