Арго багш “Хип Хоп”-оор дуулна гэнэ шүү

Өөрийгөө 25 орны хэл мэддэг хэмээн дөвийлгөдөг Арго багш саяхан өөрийн цахим хуудсандаа  хип хопоор хамтарч дуулах саналыг рэппэр Gee-д тавьжээ. Тэрээр уг саналдаа “Заримдаа би боддог юм. Хип хоп хөгжим уруу ордог юм уу гэж. Энэ Жий бид хоёр уул нь яг нэг юм хэлэх гээд байх шиг. Хип хопчиддоо хэлэхэд ах нь хамтарч ажиллахад нээлттэй. Манай залуучууд их гоё байна уул нь, хөөрхий минь хэлний асуудалтай л болохоос тэр харуудыг дуурайгаад их бүдүүн хоолой моолойгоор гоё үглэж байна. Надтай хамтарвал үнэгүй англи хэлний хичээл аваад англиар дуулж болно. Би яахав дахилт махилтан дээр нь хэдэн англи үгээр гоё хөөмий, мөөмий шиг архирч болж байна. Санал бодлоо хуваалцаарай” хэмээн бичжээ. Үнэхээр Арго багш маань хип хопоор дуулахыг хүссэн үү үгүй юу эсэхийг цаг хугацаа харуулах биз ээ.