“Эрчим хүчний хэмнэлтийн жил” болгон зарлалаа

Эрчим хүчний яамнаас 2013 оныг Эрчим хүчний хэмнэлт-үр ашгийн жил болгон зарлаж байгаагаа мэдээллээ. Манай улсын эдийн засаг эрчимтэй хөгжихийн хирээр эрчим хүчний хэрэглээ өсөн нэмэгдэж 2012-2013 оны өвлийн хүлээгдэж байгаа ачааллаар Төвийн эрчим хүчний системийн ачаалал 880-890 МВт хүрэх магадлалтай байгаа юм. Эрчим хүчний салбарт томоохон хэмжээний эх үүсвэрүүдийг ашиглалтад оруулах бодлогын ажлууд хийгдэж байгаа ч эрчим хүчний хэрэглээний эрэлтийг бүрэн хангахад хүрэлцэхгүй нөхцөл байдал бий болоод байгаа үед эрчим хүчийг үр ашигтай хэрэглэх нь чухал байгааг яамны удирдлагууд хэллээ.