Playboy-ийн эзэн өөрөөсөө 60 дүү бүсгүйтэй гэрлэлээ

Playboy сэтгүүлийг үүсгэн байгуулагч, 86 настай Хью Хефнер сүйт бүсгүй, 26 настай Кристалл Харристайгаа гэрлэжээ. Харрис өмнө нь Хефнертэй гэрлэх өдрөөсөө дөрөв хоногийн өмнө оргож, дэлхий даяар дуулиан тарьсан бол энэ удаад оргох бодол төрөөгүй бололтой.

“Хью Хефнер гэрлэсэн. Энэ удаад хурим нь бүтсэн шүү” гэж TMZ мэдээллийн цахим хуудаст дурьджээ. Хуримын дараагаар хосууд твиттертээ “Их жаргалтай байна. Азтай юм аа, бид” хэмээн бичсэн гэнэ.

Хефнер өмнө нь хоёр удаа гэрлэж байсан бөгөөд эхний эхнэртэйгээ 1959 онд гэр бүлээ цуцлуулсан бол хоёр дахь эхнэрээсээ 2010 оны эхээр албан ёсоор харилцаагаа таслуулсан юм.

Р.Гэгээ