Өвөрхангайн шүүх Н.Төмөрхүү, С.Чинзориг нарын талд шийдвэр гаргажээ

Өвөрхангай  аймгийн  Хар­хорин  сумын  шүүх 2012 оны УИХ-ын ээлжит сонгуулийн 10 дугаар тойргийн маргааныг хэлэлцжээ. Өнгөрсөн  лхагва гарагт болсон давж заалдах шат­ны шүүх хур­лаас МАН-аас нэр дэвшигч Н.Төмөрхүү, С.Чинзориг нарын талд шийдвэрээ гаргасан байна.

Тухайлбал, тус аймагт МАН-аас нэр дэвшсэн Н.Төмөрхүү, С.Чинзориг нарыг сонгуулийн үеэр насанд хүрээгүй хүүхдийг сонгуулийн сурталчилгаанд ашиг­ласан гэх шалтгаанаар УИХ-ын гишүүний тангараг өр­гүүлэхийг хойшлуулаад байсан юм. Харин сумын давж заалдах шүүх Н.Төмөрхүү, С.Чинзориг нарыг насанд хүрээгүй хүүхдийг сонгуулийн сурталчилгаандаа ашиг­лаагүйг баримтаар нотолж, шийдвэрээ гаргасан аж.

Дараагийн шүүх хурлын тов хараахан зарлагдаагүй байна. Ямартай ч насанд хүрээгүй хүүхэд сурталчилгаандаа ашиглаагүй гэд­гийг батлах шүүх хурал дахин болох нь тодорхой боллоо.

Эх сурвалж: “Өглөөний сонин”