Ханын материал, Баянхошуу, Баруун салаа, Зүүнсалаанд цахилгааны хязгаарлалт хийнэ

Хотын баруун хойд хэсгийн хэрэглэгчдэд цахилгааны хязгаарлалт хийхээр болжээ.

Тодруулбал, Ханын материал, Баянхошуу, Баруун салаа, Зүүнсалаа орчмын цахилгааны хүчдлийг сайжруулах, өвөлжилтийн бэлтгэл ажлыг хангах зорилгоор Ваар, Баянхошуу дэд станцын өргөтгөл, шинэчлэлийн ажлыг хийж гүйцэтгэх юм байна.

Үүнтэй холбогдуулж энэ сарын 26, 27, 31-ний өдрийн 08.00-18.00 цагийн хооронд Сонгинохайрхан дүүргийн 7, 8, 9, 10, 11, 25 дугаар хорооны айл өрхүүд, Зүүнбаян уул, Зээл, Овоот, Хонхор, Хилчин, Нуур, Малчин, Хувьсгалчдын гудамжны болон Зүүн салаа, Баруун салаа, Баянхошуу, Ханын материалын орчмын  айл өрхүүдийн цахилгааны эрчим хүчийг түр хязгаарлахаар болсон байна.

Тиймээс эдгээр хэрэглэгчидийг дурдсан хугацаанд бие даасан бусад эх үүсвэрээр зохистой хэрэглээгээ бүрдүүлж ажиллахыг холбогдох албанаас анхаарууллаа.

А.Сүрэн