АН-ын анархистууд аа, битгий давар

Ишш чааваас, МАН

АН-ын анархистууд аа, битгий давар. Арай ч хууль ёсыг ингэж завхруулж болохгүй. Ард түмнийг ба­сахаа боль.

МАН-ын “Ухаан­гүй ноёд”-оо, та нар яасан хийморьгүй, эргээд уулзах нүүргүй хулчгарууд вэ. Сэрээч, хөдлөөч. Энэ улс орон чинь уруудаж, ард олон ядуурч дууслаа.

Ингэж ч дээрэлхүүлж, гудамжинд гарах гэж дээ. Алдаж эндсэн ч 80 жил Монгол орныг удирдан чиглүүлж, урагшлах хөгж­лийнх нь түүчээ болж яв­сансан. Түүхийнхээ хүнд бэрх даваа, нугачаа бүрийг түүртэлгүй даваад гарахдаа өнөөдрийнх шиг  туйлдаж байсныг нь улаан батлахаа аминаасаа ч илүү хямгадаж яваа хөгшчүүл үзээгүй. Насны наран хэвийсэн ч зүрх сэтгэл нь өнөөдрийн МАН-ын төлөө лугшиж л байгаа. Яг одоо  бол “Ухаангүй ноёд”-ынхоо бал­гаар Төрийн ордонд ч орох эрхгүй гудамжны нам болчихоод байна.

1990 оноос хойш  бай­гуулах гэж зүтгэж замын дунд завхарч яваа нийгэм маань ардчилал гэж байгаа. Гэтэл өөрсдөө ч учрыг нь олоогүй нийгмийнхээ салшгүй нэгэн цөм болсон улстөрийн томоохон хүчин МАН-ыг Төрийн ордонд оруулахгүй, цэрэг цагдаа болж байгаа өнөөдрийн улс­төрийг юу гэж ойлгох вэ. Энэ чинь арай дэндэж, хүмүүнлэг ёсыг уландаа дэвсэлж байгаа хэрэг биш үү.

Өнөөдрийн МАН-ын  У.Хүрэлсүх, удирд­лага яасан   арчаагүй сул дорой нөхөд вэ. Хаана байна вэ, тэр  Сү.Батболд. 2012 оны  сонгуулийн өм­нөхөн намынхаа нэрийг солихдоо юу, юу гэж том дуугараад  байлаа. Нам нь нэр хүндтэй ялан мандаж явахад бүхний өмнө гарч, цээжээ дэлдээд байдаг дарга нар  өнөөдөр хаашаа алга болчихов. Та нарт улстөрчийнх байг гэхэд  эр хүний зориг зүрх гэж байдаг бол одоо ил гарч,  насаараа нэр нэгтэй явж, хоолноос нь хороолцсон МАН-ынхаа төлөө ганц хоёр үг гялтайлгах юм биш үү.

Хүн мөнх биш. Хоёр амьдрахгүй. Ганц яваа насандаа хүн шиг хүн явж, итгэж биширсэн намынхаа үйл хэрэгт эцэст нь хүртэл яваач. Арай ч дээ, МАН-аар дөрөөлж ажил, амьдралын дээд суудалд заларсан ноёд оо.

Өнөөдөр Монголын ний­гэмд МАН хэмээх улстөрийн хүчин байна уу. Ц.Нямдорж оо, таны эр зориг, тэмцэгч чанар чинь хаашаа уусан алга болов. Ө.Энхтүвшин дарга аа, таныг улстөрийн зориггүй гэж шүүмжилж байна лээ. Монголын нийгэмд хүлээн зөвшөөрөгдсөн улстөрийн ууган хүчнийг арай ч ингэж удирдаж болохгүй ээ. Хөдлөөч, тэмцээч. Элэг бариулж дууслаа.

Ийм нийгэм байгуулж, ингэж дураар нь тавиулах  гэж  20 жил ардчилсан нийгмийг хүлээсэн юм уу. Түмэн олноосоо итгэл хүлээж, хорин хэдүүлээ хууль тогтоох дээд бай­гууллагад сонгогдчихоод бүлэг байгуулах хэмжээний эрх мэдэлгүй байна гэдэг ичгэвтэр. Уг нь МАН өчигдөр хийсэн жагсаал цуглаанаа Өвөрхангайн 10 дугаар тойр­гийн хороо дүнгээ гар­гасны дараа буюу одоогоос гурван сарын өмнө хийх ёстой байсан.

Хорин жилийн өмнөх шиг ганц нам засгаа бариад со­циалист нийгэм рүүгээ бу­цаад шилж л дээ. Хууль ёс гэж байна уу. Ишш чаа­ваас МАН. Хаа байна, нөгөө “Улаан хамгаалагч” У.Хүрэлсүх, нөгөө төрөөс төрсөн тэрбумтанууд. УИХ-д суугаа МАН-ын 25 гишүүн ингэж дээрэлхүүлж байхаар  гишүүний суудлаасаа тат­галзаж иргэний зориг гар­гаасай. Тэр цагт дахин сонгууль явуулж ард түмний  сонголт үнэнээрээ батлагдах ч юм бил үү.

Хүнлэг  ардчилсан    ний­­­­гэм байгуулна хэ­мээн хоо­­­­лойгоо сөөтөл АН-ын­хан хаш­хи­ралдаад бай­даг. Ха­рин амьдрал дээр буу­хаараа хүчирхэг улс­төрийн сөрөг хүчнээ нухчин дарж гудамжинд хөөж гар­гаад байдаг. Эрх баригч  төрийн толгойд байгаа нам гэдэг ийм байх учиргүй. Ардчиллын үндсийг тавигч, АНУ-ын ерөнхийлөгч асан А.Линкольн 150 жилийн өмнө  “Ардчилал гэдэг анар­хизм биш” гэсэн алдарт үгээ хэлсэн.

Тэгвэл  ардчилсан Мон­­­гол орны өнөөгийн тө­рийн тэргүүн улс оронд үүсээд байгаа  шу­дарга бус тогтолцоог юу гэж бол­­гоож байгаагаа нэн да­руй илэр­хийлэх ёстой. Яагаад гэвэл Ерөнхийлөгч Ц.Элбэг­доржийг ард түм­ний эв нэгдлийн  илэр­хийлэл болох ёстой гэж сонгосон  билээ.

Эх сурвалж: “Өглөөний Сонин”