ОРОС МАШИНЫ ХУДАЛДААГААР ТЭРБУМТАН БОЛСОН УИХ-ЫН ГИШҮҮН ЭР

1988 онд Уралын политехникийн дээд сургуульд автоматикчтелемеханикчийн мэргэжлээр элсч, III курсэд сурч байхдаа  ОХУ-ын Екатеринбург хотноо Орос, Монголын хамтарсан “СК каман” компанийг байгуулж бизнест хөл тавьж байсан түүхтэй Б.Чойжилсүрэн 1990-ээд оны үед 83 компанитай хүртэл байж үзсэн гэдэг.  Төрийн албаны нэр хvндийг ашиглаж, хувийн эрх ашгаа хөөж, төрөөс төрж байгаа шинэ тэрбумтнуудын жагсаалтын тэргvvн эгнээнд 2008 оны парламентын сонгуульд МАХН-аас нэр дэвшин Увс аймгийн XV тойргоос УИХ-д сонгогдсон эрхэм гишvvн Б.Чойжилсvрэнг нэрлэж байна. Зах зээлд шилжих vеэс эхлэлтэй “Хурд” ХХК-ийн захирал 1997 онд тухайн vеийн МАХН буюу одоогийн МАН-д элссэн гэдэг. Улмаар 2005 онд намын нөөцийн томилгоогоор Ерөнхийлөгчийн Тамгын газрын дэд даргын албан тушаалд томилогдож, төрийн алба хаших болсон автоматикч телемеханикч мэргэжилтэй залуу гишvvн маань 2008 онд УИХ-д сонгогдохдоо “Хурд-Хvнс”, “Хурд-Авто”, “Хурд-групп” гэсэн гурван ХХК-ийг эзэмшдэг байсан юм. Гэтэл бизнесийн салбараасаа хөндийрч, “сонгогчид ард тvмнийхээ төлөө завсар зайгvй зvтгэсэн” гэх энэ гурван жилийн хугацаанд тvvний эзэмшлийн компаниуд нь “Рапид харш”, “Хаус инвест”, ‘’Талын шонхор”, “Сауд гоби коэл транс”, “Сауд гоби блейк гоулд”, “Апартмент Кей Эйч” гэсэн зургаан компаниар өргөжжээ. Мөн 2008 онд 14 сая байсан хадгаламжин дахь мөнгө нь 282 сая 659 мянган төгрөг болж өссөн байна. 2008 онд байгуулагдсан “Хаусинвест” ХХК нь барилгын дуусах шатны ажлыг гүйцэтгэдэг бөгөөд энэ компанийг түүний дүү Б.Балдорж удирддаг ажээ. 2009 онд байгуулагдсан “Талын шонхор”, “Саудгобикоэлтранс”, “Саудгобиблейкгоул”, “АпартментКейЭйч” компаниудын хувьд уул уурхай, гэрээ захиалгаар бүтээгдэхүүн нийлүүлдэг юм билээ.  Харин түүний мэдэлд байдаг “Сауд гоби коэл транс” ХХК, “Сауд гоби блейк гоулд” ХХК зэрэг ашигт малтмал, уул уурхайн чиглэлээр үйл ажиллагаа явуулдаг компаниудын талаархи мэдээлэл тун бүрхэг байна.

“Хурд Групп” ХХК

2001 оноос хойш орон сууц, худалдаа, үйлчилгээ, оффисын барилга угсралт болон хөрөнгө оруулалтын чиглэлээр үйл ажиллагаа явуулдаг. Урлан бүтээх төвийн дэргэдэх орон сууцны хорооллыг барьж,  Урт цагаан, Цэцэг зочид буудал, Оргил рашаан сувилал, 5-р сургууль, Цэнгэлдэх хүрээлэнгийн дэргэд гэх мэтээр 3-20 сая долларын зургаан  томоохон барилгын төсөл хэрэгжүүлж, нийтдээ 1 оффисын барилга, 4000 орчим айлын 28 блок 1-р давхартаа үйлчилгээний төвтэй байр, дулаан гаражтай байрнууд барьсан.Өнөөдрийн байдлаар Хурд групп ХХК нь 1000 гаруй ажиллагсадтай. Төв цэнгэлдэх хүрээлэнгийн дэргэдэх “Рапид харш”  нэртэй том хороолол барьж, Энхтайвны гүүрний дэргэд 644 айлын дороо үйлчилгээний төв, дулаан гаражтай орон сууц, 24 давхар оффисын барилга барихаар ажлаа эхлүүлээд байна.

“Хаусинвест” ХХК

Барилгын дуусах шатны ажил гүйцэтгэдэг. Засал чимэглэл, тохижилт үйлчилгээний ажлыг гардан хариуцдаг.

“Хурд ложистик”

Тээврийн чиглэлээр үйл ажиллагаа явуулдаг. Өмнөговиос нүүрс тээвэрлэж, хятад руу нийлүүлдэг.

“Хурд-Автомотив”

Төрөөс зарласан томоохон тендерүүдэд байнга оролцдог, авто машин нийлүүлдэг.

“Хурд Авто” ХХК

Хот, хөдөөд ОХУ-ын УАЗ маркийн автомашинуудыг худалдаа, засвар үйлчилгээ, сэлбэг худалддаг.

”Хурд-Интернэшнл” ХХК

Мөн л автомашин, сэлбэг хэрэгслийн бизнест үйл ажиллагаа явуулж байна.

“Хурд-Хүнс” ХХК

Сүү, сүүн бүтээгдэхүүн импортолдог. “Шар сүү” зэрэг бүтээгдэхүүнээрээ 2001 оноос хойш Монголын дээрх зах зээлийн 60 хувийг дангаараа хангаж байгаа. Сүүлийн судалгаагаар өнгөрсөн 10 гаруй жилийн хугацаанд 10 гаруй тэрбум төгрөгийн үнэ бүхий 18 сая литр “Шар сүү” оруулж иржээ.

“Хурд таур”

“Хурд тауэр” нь газар доороо 2 давхар 240 машины зогсоолтой нийт 24 давхар үйлчилгээний төв оффисын зориулалттай, орчин үеийн барилгын бүхий л шилдэг ололтуудыг агуулсан шилэн фасадан барилга байх юм.

Нарны хороолол

Хурд Групп ХХК  Төв шуудангаас 3 км зайтайБогд уултай ойрхон, Дунд голын эрэг дээр Нарны хороолол нэртэй шинэ төсөл хэрэгжүүлж байна. Энэхүү орон сууцны хороолол нь 1990 оноос хойш баригдаж буй барилгуудаас МОНГОЛЫН ХАМГИЙН АНХНЫ ДУНД СУРГУУЛЬТАЙ ХОРООЛОЛ болж байгаа гэнэ.