Дэд сайдуудын командлагч

Шинэчлэлийн Зас­гийн газрын дэд сайд нараас сурч мэдсэн, боловс­­рол, хол явж нүд тайл­­сан сэтгэлгээний далайц, ажлын турш­лага гээд бүх л үзүү­лэл­тээрээ толгой өндөр эрхмээр Батлан хам­гаа­лахын дэд сайд, Онц бөгөөд Бүрэн эрхт Элчин сайд А.Баттөр өрсөлдөгчгүй торойно.

Ховдын уугуул, Улаан­баатарын суу­гуул, Европын хол­боо­гоор гүйгүүл дэд сайд А.Бат­төрийн хувьд жин­хэнэ мэргэжлийн дип­ломатч. Тэрбээр Монгол оронд Ардчилсан хувьсгалын анхны цуглаан зохион байгуулагдаж байсан 1989 онд Москвагийн ОУХДС-ийг төгссөн залуу мэргэжилтэн. Анх Монгол Улсын Гадаад хэргийн яаманд атта­шегаар орж, ажил амьд­ралын гараагаа эхлүүл­жээ. 1992-1996 онд Франц улс дахь Монголын Элчин сайдын яамны соёлын атташе, ЮНЕСКО-гийн Байнгын төлөөлөгчийн газарт дипломатчаар ажил­ласан нь мэргэж­лийн дип­ло­матчийн хувьд өсч, дэвжих гараа нь байж.

1996 оноос Монгол Улсын Гадаад хэргийн яаманд ажиллаж бай­гаад 1998-2000 онд Монгол Улсын Боловс­рол, соёл, шинж­лэх ухаан, тех­нологийн сай­даар ажил­лажээ.

2004-2006 онд Монгол Улсын Гадаад хэр­гийн  дэд сайдаар ажил­­ласан нь дэд сайдын хувьд анхных нь тохиол болсон гэдэг. Харин 2008 оноос мэр­гэж­­лийн­хээ ажлыг хийж, Европын Хамтын ний­­­гэм­­лэгт Монгол Улсаа төлөөлсөн Онц бөгөөд Бүрэн эрхт Элчин сайдаар томилогджээ.

Өнөөгийн дэд сайдын сал­­бар­­таа оруулсан үнэтэй хувь нэмэр нь манай цэрэг эрс олон улсын энхийг сахиулах үйл ажиллагаанд ам­жилт­­тай оролцож, эх орныхоо нэрийг ман­­дуулах үйл хэр­гийг эхлүүлэхэд дип­ло­мат­чийн хувьд амжилттай ажил­­лаж чухал нөлөө үзүүл­­сэнд оршино. А.Бат­­төр дэд сайдын хувьд МоАХ-ноос Бат­лан хамгаалахын дэд сай­дын суудалд тухал­сан аль ч талаараа нэр цэвэр, улстөрчийн хувьд ид хийж, бүтээх насан­­даа яваа нэгэн.

Дэлхийн ха­луун цэ­гүүдийн энхийг сахиулах үйл ажил­ла­гаанд эрвэлз­тэл орол­цож, эзэн Чин­гисийн үеэс ул­баа­тай эр зориг, авхаалж  сам­баа­гаараа гай­хаг­даж яваа хэдэн бор цэргүүд, цааш­лаад Монгол Улсын бат­лан хам­гаалах сал­барыг өөрч­лөн шинэчлэх, халамж­лан бөөцийлөх нөр их ажил БХЯ-ны хоёр шинэхэн сайдын өмнө бий.

“Ажнай” Д.Бат-Эрдэнэ, А.Баттөр хоёрын гар нийлсэн, шар­гуу мэд­рэмжтэй ажил­ла­гаа­наас Мон­голын батлан хамгаалах сал­барын ирээдүй, дэлхий дахинд монгол цэргийн нэр хүнд хэрхэн батжих нь хараг­дах биз ээ.

Батлан хамгаалахын дэд сайд А.Баттөр бүх л талаараа ажил, амьд­ралын туршлага багатай ши­нэхэн дэд сайд нараа командлах нь аргагүй ээ.
Эх сурвалж: “Өглөөний Сонин”