Жулдыз: А.Сүхбатыг танихгүй шүү дээ

Сүр дуулиантайхан гуравдахь эхнэрээ авсан Аварга А.Сүхбатын эхнэр саяхан үрийн зулай үнэрлэсэн. Гэвч аваргыг шинэхэн хайртайгаа учирч, эхнэрээсээ салах дээрээ тулсан хэмээн мэдээлэл гарсан. Түүний шинэ амрагаар Anemone хамтлагийн ахлагч Жулиа буюу Жулдыз тодорсон аж. Энэхүү мэдээллийн тухай Жулиагаас тодруулсан юм.

- Таныг аварга А.Сүхбаттай холбосон мэдээлэл гарсан. Энэ тухай мэдсэн үү?

- Би өчигдөр л хөдөөнөөс ирлээ. Гэхдээ надруу хүмүүс утасдаж аваргатай холбоотой мэдээлэл гарсан байна гэж хэлсэн л дээ. Би А.Сүхбатыг харж ч байгаагүй, танихгүй шүү дээ. Тийм болохоор ийм мэдээлэл гарсанд гайхаж байна.

-Яагаад ийм мэдээлэл гарах болсон гэж бодож байна?

- Ёстой мэдэхгүй. Өчигдөр л зургийг нь харлаа. Намайг яагаад ингэж бичсэн юм бол. Миний тухай худал мэдээлэл гаргасан хэвлэл, мэдээллийн байгууллагын сэтгүүлчтэй өөрийн биеэр уулзана гэж бодож байгаа.