Жендэрийн мэдрэмжтэй Ерөнхий сайд

Ерөнхий сайд Н.Алтанхуягийг бүсгүйчүүд жендэрийн мэдрэмжтэй гэж үнэлэх болжээ.

Угаасаа Жендэрийн үндэсний хороо Ерөнхий сайдын харьяанд байдаг төдийгүй  Жендэрийн тэгш байдлын тухай хууль ирэх оноос хэрэгжиж эхлэх юм. Тиймээс чуулганы хуралдааны үеэр Ерөн­хий сайдыг 45 хоногт хийсэн ажлаа тай­лаг­нахад УИХ-ын эмэгтэй гишүүд дээрх хуулийн хэрэгжилтэд хэрхэн анхаарч ажиллах тухай нь шалгааж гарав.

Харин мань хүн “Юутай ч Ерөнхий сайдын эрхлэх асуудлын хүрээнд байдаг учраас Жен­дэрийн  үндэсний  хороонд  анхаарал хандуу­лан ажиллана. Түүнчлэн хуулийн хэрэгжилтэд ач хол­­­богдол өгнө гэдгээ амлая” хэмээсэн.

Мөн энэ  удаа­гийн  Засгийн газар төдийгүй парламент ч жен­дэрийн мэдрэмж хамгийн  сайтай нь шүү хэмээн бусдыгаа ч бас өөрийгөө дөвийлгөөд амжсан. Мэдрэмжийн зэрэгцээ үйлдэл бүрээс нь үр дүн харагдах нь л чухал гэдгийг Ерөнхий сайд мэдэж л байгаа байлгүй дээ.

Эх сурвалж:”Өглөөний Сонин”