Огноо: 2012/10/8 1:56:39

Замын хөдөлгөөн ачаалал ихтэй байна

Зам засварын ажлаас шалтгаалан ойрын өдрүүдэд Зүүн дөрвөн замаас Офицерийн ордон хүртэлх, Сансрын тунель, Сансрын шатахуун түгээх станцаас Зуун айл хүртэлх, Цайзын зах хүртэлх замууд ачаалал ихтэй байна. Тодруулбал, Зүүн дөрвөн замын зүүн талын аюулгүйн тойргийн буцаж эргэдэг уулзвараас Кино үйлдвэрийн урд талын буцаж эргэх уулзвар хүртэлх 0.58 км авто замын урд талын урсгалыг уржигдраас эхлэн хаалттай байна. Уг замын энэ сарын 11-ний 07.00 цаг хүртэл хааж, борооны ус зайлуулах шугам, цахилгаан ба холбооны сэтэлгээ, хоёр үе асфальтбетон хучилтын ажил гүйцэтгэх аж. Мөн Хасбаатарын гудамжинд Эх нялхсын уулзвараас Өргөө кино театрын хойд уулзвар хүртэлх авто замын хөдөлгөөнийг энэ сарын 10-ныг хүртэл хязгаарлан өргөтгөл, шинэчлэлтийн ажил хийж байгаа юм. Дамбадаржаагийн замын цагдаагийн постоос Сэлбийн гүүр хүртэлх 450 метр замын хөдөлгөөнийг энэ сарын 08-ны 22:00 цаг хүртэл хязгаарлан уг замд далангийн дүүргэлт хийж байгаа.