Жуковын хөшөөнөөс Кино үйлдвэр хүртэлх замын нэг урсгалыг хаалаа

Жуковын хошөөний дэргэдэх уулзвараас Кино үйлдвэрийн урд талын уулзвар хүргэлх 480 метр авто замын зүүн тийш чиглэсэн урсгалыг хоёр үе асфальтобетоноор хучих зам засварын ажил хийгдэх болсонтой холбоотойгоор өчигдөр 22 цагийн үед хаасан байна.

Тус замд борооны ус зайлуулах шугам шинээр хийхээс гадна холбооны болон цахилгааны утсуудыг доогуур нь хөндлөн гаргах сэтэлгээ тус тус хийх гэнэ. Зам засварын ажил төлөвлөгөө ёсоор долоо хоног үргэлжлэх бөгөөд энэ сарын 11-ний өглөөний долоон цагт замыг нээх юм байна.

Дашрамд дуулгахад “Шинэ бүтээн байгуулалт” дунд хугацааны зорилтот хөтөлбөрийн хүрээнд Хөгжлийн банкны санхүүжилтзэр он дамжин хэрэгжүүлэх Зүүн дөрвөн замын уулзвараас Троллейбусны эцэс буюу Ботаникийн буудал хүртэлх 4.5 км авто замын өргөтгөл, шинэчлэлтийн ажлыг “Ялгуусан” ХХК гүйцэтгэж байгаа аж.

М.УУГАН-ЭРДЭНЭ