Африкийн гүн дэхь амьдрал
2012-10-03, 12:26
Баримтат гэрэл зургаар дагнан ажилладаг Брент Стиртон (Brent Stirtion) нь өөрийн гэсэн өвөрмөц арга барил, илэрхийллээрээ алдартай. Тэрээр амьдралынхаа туршид жил бүрийн бараг 9 сарын хугацаанд нь Дэлхийн өнцөг булан бүрээр аялах томилолттой байдаг. Стиртон нь объектийнхоо мөн чанарт гүнзгий нэвтэрч, бүх л оюун бодлоороо төвлөрсний эцэст зураг дардаг ажээ. Тэрээр зураг даруулж буй хүнтэй маш түргэн хугацаанд сайтар ойлголцож чаддаг бөгөөд тухайн цаг мөчид өрнөж буй үйл явдал, сэтгэл хөдлөлийг алдалгүй буулгадаг ховорхон авъяастай нэгэн.
Брент Стиртон хэлэхдээ: “Гэрэл зургийн сэтгүүлчид байнга л хүмүүсийн амьдралын тухай зураг дарах шаардлагатай тулгардаг. Тиймээс хүмүүсийн амьдралтай холбоотой улиг болсон түүхүүдийг шинээр илэрхийлэх арга замыг бид үргэлж хайж байх ёстой гэж би боддог. Бид хуучин түүхийг шинээр илэрхийлэхээ зогсоох аваас тэд замхран арилж, олон нийтийн анхаарлын төвөөс холдох болно. Тиймээс би ажил бүртээ чин сэтгэлээр хандаж, зураг бүрээ өвөрмөц, шинэлэг бөгөөд тод хэлбэрээр илэрхийлэхийг хичээдэг юм.”- гэжээ.
URL:
