Зайсанг уушийн газартай андуурагсад цөөрчээ

Манай сонины мэдээл­лийн мөрөөр Хан-Уул дүүр­­­гийн цагдаагийн хэлт­сийн­хэн шуурхай арга хэм­жээ авсан бололтой. Бид өнгөрөгч баасан га­рагийн орой тус дүүргийн цаг­даа­гийн бүрэлдэхүүнтэй хамтран ажиллалаа.

22:00 цаг. Зайсан толгой хөл хөдөлгөөн ихтэй байв. Гадаа нэлээд хүйтэн байсан болохоор халуун юм уух санаатай буфет руу ортол “Зайсангийн үйлчилгээний цэгүүдийг өвлийн цагийн хуваарьт шилжүүлсэн бо­лохоор одооноос эрт хаана. Уг нь өдийд хүн олон байдаг. Хэд хоногоос тэр хуваарьт шилжиж болдоггүй юм байх даа. Дүүргийн цаг­даагаас “Цагаа баримтал” гэж үүрэгд­сэн. Тэгэхээр уух ха­луун юм байхгүй ээ. Идэж, уух юм сурагласан хүн олон л байна” гээд хаалгаа түгжсэн юм.

Үнэхээр  ч долоо хо­ногийн өмнөхийг бодвол шор­логны гашуун хиншүү багасч, цайны  газрууд ширээ, санд­­лаа хураасан харагдав. Түүнчлэн Зайсангийн оройд тойрч суугаад, шил юм тойруулсан шиг тааваараа суудаг нөхөд ч үзэгдсэнгүй. Хүмүүсийн хэлж буйгаар цагдаагийн хяналт чан­гарч, дураараа дургихад “хүнд­рэлтэй” болсон гэнэ.

Гэхдээ  хүмүүс  Зайсан­гийн оройд зүгээр салхилах гэж гарахаас илүү ганц нэг шил юм хөнтрөхөөр ирдэг нь анзаарагдаж байв. Учир нь, машинаа  яаж  жолоодож  бай­­гаа юм бол гэмээр ха­ламцсан за­луус эргүүлийн цагдаа нар­тай маргалдаж, дээш гар­гахыг шаардан, хүний эрх, эрх чөлөө ярин давшлах тохиолдол гарч байлаа.

Цагдаа нар тэдэнд зо­хих шаардлага тавьж, тор­гуулийн арга хэмжээ авч ха­рагдсан. Гэвч халамцуу залуус Зайсан руу гарч чадаагүй ч өөр газар очиж, архины халуунаа гаргах нь тодорхой. Хэл ам нь нэлээд ээдэрсэн нэг бүсгүй “Хотын төвийн пабууд 23:30 гээд хаалгаа барьчихдаг. Бид ямар үргэлж ингээд явдаг биш, хааяа найз нөхөдтэйгөө хэсэг суух гэхээр тийм газар олддоггүй. Тэгээд Зайсан руу ирсэн. Өөр хаачих юм бэ” гэхийг сонслоо. Үүнээс харахад мань нө­хөд Зайсан толгой бол ний­тийн эзэмшлийн, түүхэн дурсгалт газарт хэн дуртай нь зоргоороо авирлаж, архи­дан согтуурч болдоггүй, бөө­­нөөрөө дарвих гэсэн за­луу­саас гадна хүүхдүүдээ да­гуулан салхилахаар ирсэн өөр хүмүүс ч бий гэдгийг даанч ойлгохгүй байгаа нь илт. Хэрэв цагдаагийнхан энд хэдэн өдөр ажиллаагүй бол ёстой л “өвгөнт” болж мэдэхээр юм билээ.

Биднийг цагдаа нар­тай Зайсангийн орой руу 23:30 цагийн үед га­рахад 76-97 УБЛ улсын ду­гаартай “Ланд круйзер-80” маркийн машинд 10 гаруй хүн суугаад пиво  ууж    байсан юм. Тэднийг “Ний­тийн эзэмшлийн газар согтууруулах ундаа ууж бо­­лохгүй” гээд согтолтын зэр­гийг нь шалгах гэхэд “Найз охидоо салхилуулж байхад ингэж дарамталж болохгүй шүү дээ. Торгууль нь хэд юм. Шууд төлчихье. Болж байна уу” гэхчилэн томров. Халамцуу  залуус Зайсангийн оройгоос буухгүй хэмээн цагдаагийн өөдөөс нэлээд гөжүүдэлж, хэл ам таталж байгаад бууж одсон.

Ер нь, ялангуяа үдэш, оройн   цагаар цагдаагийнхны хүч хүрэлцдэггүй нь олон зүйл дээр харагдаж байлаа. Бид­нийг Зайсан дээр ха­гас цаг  орчим  болоход ”Мар­шалл Таун”-д хүүхдүүд нэг­­нийгээ газ үнэрлэхийг шаард­сан”, ”Богд хаан” ам­ралтын газар хүмүүс зо­дол­доод байна” гэх дуудлага ирсэн. Тэр бүгдэд хороо хариуцсан байцаагч, жолооч хоёр л явдаг бөгөөд дээрээс нь иргэдийн хараа хяналтгүй орхисон машиныг эргэж, тойрон амсхийх ч завгүй ажиллах аж.

Эх сурвалж: “Өглөөний сонин”