Үр хүүхдийн минь нэрээр үргүй зардал гаргах нь

Хүүхдийн мөнгө хөөрхөн бизнес болох нь

Хүүхдийн мөнгийг ирэх сараас олгох тухай Засгийн газрын тогтоол гарсан. Гэвч энэ нь цаанаа бизнесийн хөөр­хөн ашиг дагуулах болол­той. Өөрөөр хэлбэл, үр хүүхдийн маань нэрээр үргүй зардал гаргах нь.

Учир нь Засгийн газрын ху­рал­даанаас тогтоол гар­гах­даа “Хүний хөгжил сангаас Монгол Улсын 0-18 хүртэлх насны хүүхэд бүрт 2012 оны аравдугаар сарын 1-нээс олгохоор болж, уг ажлыг зохион байгуулах, мөнгө олгох арилжааны банкийг шууд гэрээ байгуулах аргаар сонгон шалгаруулахыг Хүн амын хөгжил, нийгмийн хамгааллын сайд С.Эрдэнэд даалгав” гэсэн байдаг.

Мөн хүүхдийн мөнгөнд шаардагдах хөрөнгийг тухай бүрт нь санхүүжүүлэх, хүүх­дийн мөнгө олгох ажлыг улсын хэмжээнд зохион бай­гуулахтай холбог­дуулан маягт хэвлэх, сургалт, сур­тал­­чилгаа хийх, холбогдох про­грамм боловс­руулах зар­далд зориу­лан 154.8 сая төг­рөгийг Засгийн газрын нөөц хөрөнгөөс гарган  ажиллахыг Сангийн сайд Ч.Улаанд даалгажээ.

Төсөв алдагдалтай байна гээд байгаа хэрнээ хүүхдийн мөнгө олгоход зориулан 154,8 сая төгрөг зарлагадах нь. Түүгээр ч зогсохгүй 0-18 хүртэлх насны хүүхдийн тоог дахин гаргах бүртгэл хийх аж.

Ямар их хөрөнгө мөн­гөтэй, яасан хийх зүйл­гүй хүмүүс гэхээрээ нэг ажлыг жилд хэд дахин хийгээд байдаг юм бол. Өнгөрсөн долоодугаар сараас л Хүний хөгжил сангийн мөнгө олгох ажил зогссон. Тэгэхээр одоогоос хоёр сарын өмнөх бүхий л бүртгэл, банкны данс зэрэг нь хэвээрээ байгаа гэсэн үг. Нэгэнт хүүхдийн мөнгийг дээрх Хүний хөг­жил сангаас олгох юм бол яагаад өмнөх бүртгэл, дансаа ашиглаж болохгүй гэж.

Нэг ажил санаачлахаараа хийж буй нэр зүүн, сүрийг үзүүлж, төрийн албаныханд ажил, иргэдэд чирэгдэл, төсвөөс хөрөнгө зарлагадан, их үйлсийн аян эхлүүлдэг нь загвар болон хэвшлээ. Эсвэл зүгээр л бага ч атугай мөнгө угаах арга хэлбэр болгоод байна уу.

Урьд нь Хүний хөгжил сан­гаас зарим иргэн хүүх­дийн­хээ байтугай өөрийн­хөө мөнгийг ч тоож авдаггүй бай­сан ажээ. Гэхдээ цөөн тооны хүн аваагүй гэсэн тооцоо байдаг. Тэгэхээр энэ удаа хүүхдийн мөнгө авах хүсэл­тэй эцэг, эхчүүдээр хүсэлт, өргөдөл гаргуулахаар бол­ж. Аж­лынхаа ха­жуугаар өргө­дөл, хүсэлтийн хуга­цаа­наас нь хоцрох вий гэсэн ир­гэд оршин суугаа газ­рын­­хаа халамж, үйл­­чил­гээ­ний ажилтнуудыг цаасаар “дарах”-ын тулд баа­хан ду­гаар­­­лаж, цаг алдана гэ­сэн үг.

Удахгүй бүртгэлийн ажлын зэрэгцээ мөнгө олгох банкийг сонгон шалгаруулах “тендер” эхлэх юм байх.

Хүний хөгжил сангийн мөнгийг олгохын тулд арилжааны банкууд иргэдэд картыг нь үнэ төлбөргүй олгож байсан. Өнгөц харахад нийгмийн хариуцлага сайтай байгаа юм шүү. Гэхдээ тэдний хувьд ингэж картаа үнэгүй хэвлэж өгөх нь халхавч болж байгаа хэрэг. Тэд иргэдэд олгогдож буй мөнгөнөөс шимтгэл нэрээр хэдэн зуун сая, тэрбум төгрөг халаасалсан.

Тиймээс Хүүхдийн мөнгө олгох банкийг сонгон шал­гаруулж, иргэдэд чирэг­дэл­гүй болгохын тулд картын асуу­дал сөхөх нь бас л утгагүй, үргүй зардал гар­гах ажил. Хүний хөгжил сан­гаас мөнгө авч байсан Мон­гол Улсын иргэн бүр хам­гийн олон салбар, сүл­жээ­тэй гэгддэг банкуудад аль хэ­дийнэ данстай, бас карт­­тай.

Харамсалтай нь Хүний хөг­жил сангийн мөнгө олгог­дохоо байсан учраас тэрхүү данс, картыг ашиг­лагсад цөөрсөн биз. Ёстой л даахгүй нохой булуу хураана гэгчээр халаасандаа мөнгөгүй иргэд арилжааны хэд, хэдэн банканд данстай, нимгэн түрийвчээ зузаатгах өнгө өнгийн карттай яваа. Ядаж тэрхүү данс, картаа ашиглавал хүүхдийн мөнгө олгох ажлын бэлтгэлд улсаас зориулж буй 154,8 сая төгрөгийг бүтнээр нь зарцуулахгүй л байх даа.

Эх сурвалж : “Өглөөний сонин”