С.Жавхлангийн “Гал үндэстэн” холбоонд хятадууд юу хийгээд байна вэ?

Дуучин С.Жавхлан үндсэрхэг үзэлт бүлгэмүүдийг бараг л бүгдийг нь нэгтгэн “Гал үндэстэн” хэмээх холбоо байгуулан үйл ажиллагаа явуулж  эхлээд удаж байгаа билээ. Зохиолын дууны ханхүү гэсэн алдраа чамлаж улс төрийн хунтайж болохоор эргэлт буцалтгүй шулуудсан түүний хэлж ярьж байгаа үг нь заримдаа хэт туйлширсан мэт санагддаг боловч үнэн зөв зүйл олныг агуулсан байдаг тул дэмжигчдийнх нь тоо өдрөөс өдөрт нэмэгдсээр л байгаа юм гэнэ билээ. Гэвч сүүлийн үед С.Жавхлангийн “Гал үндэстэн” холбоонд яахын аргагүй хятадын эрлийз, Монголд насаараа амьдарсан хужаагийн үр сад залуус ихээр шургалан монгол  дээл өмсөж, монгол төрийн далбаа, хас тэмдэг зүүчихээд гишүүн нь хэмээн тууж явах болсон байна. Тэднийг удам судраар нь сайн мэддэг, таньдаг хүмүүст нь энэ явдал тоон дотор үсэг цохиж яваа юм шиг л тун содон харагдаж эвгүй сэтгэгдэл төрүүлдэг болжээ.
Тэр ч байтугай зарим нэг нь С.Жавхлангийн “Гал үндэстэн” холбоо чинь Хятад Монголын хамтарсан нийгэмлэг юм биш үү? Эсвэл Хятадын хөрөнгө оруулалттай бизнесийн байгууллага юмуу хэмээн гайхашрах болсон аж.  Эрхэм дуучин маань эх болсон Монгол орныхоо төлөө гэсэн чин сэтгэлтэй хөх толбот жинхэнэ монгол залуусыг нэгтгэж чадаж байгаа эсэхдээ дүгнэлт хийж эгнээнд нь элсэж байгаа хүмүүсийг сайтар судалж байхгүй бол нэг л мэдэхэд “Гал үндэстэн” холбоо нь “Гадаад үндэстэн” нэртэй болчихсон цохиж явж мэдэх нь байна шүү.

“Хар мн”