Зарим автобусны буудал хотын үзэмжийг гутааж байна

Нийтийн тээврийн үйлчилгээг сайжруулахаар шат дараатай арга хэмжээ авахыг салбарынханд нь хотын удирдлагууд үүрэг болгож байсан. Энэ ч утгаараа эхний ээлжинд автобусны буудлын өнгө үзэмжид анхаарч байсан цаг саяхан.

Гэтэл хотын зарим хэсэгт эртний ховор олдвор мэт автобусны буудал байсаар байгаа нь манай дуранд содон туслаа. Иргэдийн нэрлэж заншсанаар Оргил рашаан сувиллын гэх энэ буудал, орчин цагийн нийслэл хотын өнгө үзэмжийг үнэхээр гутааж байна.