Зимбабве улс 50 тн зааны ясыг худалдахаар шийджээ

Зимбабве улсын Төрийн санд 50 тн зааны яс хадгалаастай байдаг аж.

Тус улсын Засгийн газар тэдгээр зааны ясыг дуудлага худалдаагаар худалдахаар шийдвэрлэсэн байна. Худалдаанаас олсон ашгийг заан хамгаалах үйлсэд зориулах гэнэ.

Дээрх 50 тн ясыг хулгайн анчдаас хурааж авсан ба өөрсдөө үхсэн заануудынх аж. Зааны яс маш үнэтэй байдаг Зимбабвед 100 мянган толгой заан байдаг нь тивдээ хамгийн олон тоотой нь юм байна.

Зааныг хамгаалахад тус улс жилд 30 сая ам.доллар зарцуулдаг. Зимбабве улс хамгийн сүүлд 2008 онд 3.9 тн зааны ясыг олон улсын зах зээлд гарган худалдаалж байжээ.