Л.Цог Ч.Улааны ажлыг авлаа

УИХ-ын гишүүн Ч.Улаан УИХ-ын дэд даргаар томилогдоод дөнгөж долоо хонож байсан.

Гэсэн ч өчигдөр түүнийг Сангийн сайдаар томилж, УИХ-ын дэд даргын албанаас нь чөлөөлсөн юм.

МАХН-МҮАН-ын “Шударга ёс” эвслийн бүлгийнхэн түүний оронд Л.Цогийг УИХ-ын дэд даргад дэвшүүлснийг чуулганаар баталсан юм. Энэхүү шийдвэрт Л.Цог гишүүн сэтгэл хангалуун байгаа бололтой.

Түүнээс чуулганы хуралдаанаас өмнө УИХ-ын дэд даргын томилгоотой холбоотой асуудлаар тодруулга авах гэхэд “Одоохондоо энэ талаар ярьж байна. Дэд дарга болсон үедээ яриа өгнө өө” гэж байлаа. Л.Цог гишүүн намын бүлгийнхээ хамгийн ахмад нь юм.