Хиймэл хөлтэй тамирчин олимпод өрсөлдөж байна

Олимпийн наадамд хиймэл хөлтэй тамирчин хөнгөн атлетикийн төрөлд бусад тамирчидтай мөр зэрэгцэн өрсөлдөж байна. Өмнөд Африкийн Бүгд Найрамдах улсын хөнгөн атлетикч Оскар Писториус Олимпийн наадамд оролцоа эрх олж авсандаа үнэхээр баяртай байгаа гэнэ. Өмнөд Африкийн Бүгд Найрамдах улсын шигшээ багийн тамирчин, хөнгөн атлетикч Оскар Писториус өөрийн мэдэгдэлдээ:

“Миний мөрөөдөл биеллээ. Энэ удаагийн Олимпийн наадам миний хувьд 3 дахь удаагийн наадам гэж бодохоор үнэхээр итгэмээргүй байна. Афин болон Бээжингийн Паралимпийн наадмын өдөр хоногийг бүгдийг нь санаж байна.

Харин сүүлийн өдрүүдэд Лондоны Олимпоос өөр юу ч бодохгүй байна. Би бэлтгэл сайн хангасан. Тийм ч учраас Лондоны Олимпод би өөрийн хувийн амжилтаа ахиулна гэсэн зорилт тавьсан” гэжээ.