ОЛИМП: Ж.Гантөгс улсын рекордыг шинэчлэлээ

Эрэгтэйчүүдийн ганцаарчилсан төрөлд ОУХМ Ж.Гантөгс урьдчилсан харваанд 669 оноо авч улсын рекордыг шинэчлэн тогтоожээ.

Тэрбээр урьдчилсан харваанд 19 дүгээр байрт бичигдсэн. Тэрээр маргааш 15.00 цагаас хасагдах шатанд 46 дугаар байранд бичигдсэн Энэтхэгийн харваач Рахул Банержетэй онч мэргэнээ үзнэ.

Энэхүү төрөлд 699 оноо авсан БНСУ-ын тамирчин Им Дон Хьюн дэлхийн рекорд тогтоож, Лондоны олимпийн наадмын анхны рекордч боллоо. Б.Урантунгалагийн хувьд 72 сум харваж 652 оноо авч 18 дугаарт бичигдэж байна.

Тэрбээр хасагдах шатны эхний тулаанаа талбайн эзэн орны харваач, 47-д бичигдсэн Алисон Уильямстай маргааш 10:57 цагт хийнэ.

Б.Ирээдүй