Гуравдугаар амаржих газар үүдээ нээлээ

Нийслэлийн гуравдугаар амаржих газрын засвар энэ сарын 5-нд дуусч, өчигдрөөс үйл ажиллагаагаа үргэлжлүүлж эхэлжээ.
Тус эмнэлэг өчигдөр оройны байдлаар арваад хүн хүлээн аваад байв. Гуравдугаар амаржих газрын ажилчдын 65 хувь нь барилгын засварын ажил эхэлсэн өнгөрсөн тавдугаар сарын 28-ны өдрөөс өчигдрийг хүртэл Нэгдүгээр амаржих газарт ажиллаж, харьяаллынхаа үйлчлүүлэгчдииг хүлээн авч байжээ.

Эмнэлгийн засвар энэ сарын 5-нд дууссан ч, мэс заслын өрөөний агааржуулалт, орох, гарах хаалгыг засварлах ажил дутуу байснаас өчигдрийг хүртэл сул зогсолт хийгээд байсан юм.

Б.Номин