Хадны завсар хавчуулагдсан халиуны зулзага
УИХ-ын гишүүн Д.Дэмбэрэл хамгийн өндөр настай гэдгээсээ болоод ёстой л хадны завсар хавчуулагдсан халиуны зулзага гэгч болж байна.
Хуулийн дагуу хамгийн ахмад настай Д.Дэмбэрэл гишүүнээр УИХ-ыг даргалуулахаар болсон. Гэтэл МАН-ынхан чуулганд оролцохгүй хэмээн мэдэгдсэний дагуу Д.Дэмбэрэл гишүүн ч чуулганы танхимд орж ирэхгүй байв. Хуулиа биелүүлэхийн тулд чуулган даргалмаар, намаа дагахаар чуулганы гацааг зогсоож болохгүй байгаа нь түүнд хүсэхэд хясна гээч болов.
Арга ядахдаа АН-ын дарга Н.Алтанхуягийг өрөөндөө дуудаж уулзах гэсэн нь гал дээр тос нэмсэн явдал болж орхилоо. Юутай ч УИХ-ын анхдугаар чуулган болж өндөрлөлөө.
Харин Д.Дэмбэрэл гишүүн л нас, намбаа боддоггүй, намчирхдаг гэдэг нэр зүүж үлдэв бололтой. Нэг нэр, хоёр хочийг яалтай ч билээ дээ.
Эх сурвалж: Өглөөний сонин
URL:
