С.Батболд намын даргын ажлаа өглөө

МАН-ын Удирдах зөвлөл өчигдөр хуралдаж, намар хийхээр хойшлуулаад байсан Бага хурлынхаа товыг энэ сарын 24-нд болгожээ. Бага хурлын гишүүн Ж.Сүхбаатар намынхаа  удирдлагуудад хандан Бага хурлаа яаралтай хуралдуулж, сонгуулийн үр дүнг хэлэлцэх, орон нутгийн сонгуульд амжилттай оролцохын тулд зөв удирдлага, бодлоготой болохыг хүссэн. Мөн их хурлаа есдүгээр сард багтаан хуралдуулахыг шаардсаныг Удирдах зөвлөл нь харгалзан үзсэн байна.
Энэ үеэр МАН-ын дарга С.Батболд албан тушаалаа хүлээлгэн өгчээ. Тэрээр намаа сонгуульд олонх болгож чадаагүй хариуцлагаа ийхүү хүлээж буй аж. Түүний оронд УИХ-ын гишүүн Ө.Энхтүвшинг үүрэг гүйцэтгэгчээр томилсон байна. Намын даргыг батлах асуудлыг Бага хурлаар эцэслэн шийдэх юм байна.
Ц.Болор