Гэрийн тэжээвэр амьтад зөн билэгтэй

Олон жилийн турш амьтан сургагчид болон гэрийн тэжээмэл амьтдын эзэд, байгаль хамгаалагчид амьтад далдыг харах зөн билэгтэй хэмээн олон талаар жишээ татдаг байлаа. Гэвч энэ талаар хийгдсэн судалгаа тун цөөн гэнэ. Зөн билгийн чадварын тал дээр судлаачид болон сэтгэлзүйчид гагцхүү хүмүүст анхаарлаа хандуулсаар иржээ.

Саяхан Англи , Америкт явуулсан судалгаанаас харахад гэрийн тэжээмэл амьтадтай хүмүүсийн ихэнх нь тэднийг өөрсөдтэй нь далд зөн билгээр харьцдаг, нохой муурнууд нь тэдний бодож буй зүйлийг тааварлан хариу үйлдэл үзүүлдэг хэмээн баталсан байна. Харин морь сургагчид, адуу хүний бодлыг далдаас мэдэх чадвартай хэмээн үздэг аж. Тэр ч бүү хэл зарим гэрийн амьтад гэрийн утас дуугарахаас өмнө ямар хүн залгахыг мэддэг гэнэ. Нэгэн гайхалтай жишээг энд дурдья. Калифорнийн их сургуулийн нэртэй профессорын гэрийн утас дугарахад эхнэр нь нөхрийгөө залгаж байна гэж шууд л мэдсэн гэнэ. Учир нь тэдний муур шууд л утас руу үсрэн харилцуурыг түлхжээ. “Нөхрөөс минь өөр хүн залгахад манай муур ямар ч үйлдэл хийдэг. Харин нөхрийг маань утасдахад манай муур хэрхэрч эхэлдэг “ хэмээн өгүүлжээ. Иймэрхүү жишээ олон байдаг бөгөөд газар хөдлөлт, үер усны аюулыг амьтад эртнээс мэддэг гэдгийг дэлхийн олон ард түмэн эртнээс ажигласан байдаг. Тэгэхээр энэ бүхэн дээр үндэслэн гэрийн тэжээвэр амьтдыг зөн билэгтэй гэдгийг батлах судалгааны баг гарах цаг тун ойртсон бололтой.