“L Guards” хамтлаг таржээ

Панк чиглэлээр уран бүтээлээ туурвидаг “L Guards” хамтлагийнхан таржээ. Гишүүдийн хувьд ар гэрийн байдлаас шалтгаалаад түр хугацаанд тарсан бөгөөд дахин нэгдэж магадгүй хэмээн хамтлагийн дуучин хэлэв. Тус хамтлагийнхан хамгийн сүүлд Азийн томоохон амьд хөгжмийн наадамд оролцоод ирсэн байна. Хамтлагийн гишүүн Баясаа дурсахдаа “Манай хамтлагийнхан бэлтгэлийн байрнаас болж их асуудал болдог байсан. Нэг гараж 80 мянгаар түрээслээд сайхан тохижуулаад байж байсан чинь хэдэн хятадууд 150 мянгаар хөлслөхөөр болоод хөөгдөж билээ” гэсэн юм.
Одоогоор хамтлагийн гишүүн Баясаа соло уран бүтээлээ хийж байгаа аж. “Лондон-2012” олимпийн тамирчиддаа урам өгөх зорилгоор олимпийн дуу хийж байгаа тухай хэлсэн юм.

Б.Золзаяа