Ачийнх нь дэргэд өвөө, эмээг нь хөнөөсөн этгээдэд цаазын ял оноолоо

Өвөө, эмээг нь хэрцгийгээр хөнөөж, ой есөн сартай хүүхдийг уулын мухарт хаяад явсан онц ноцтой хэрэг Төв аймгийн Аргалант суманд өнгөрсөн зун гарсан. Уг хэргийн талаар тухайн үед мэ­дээлж байсан билээ. Увс аймгийн харьяат А.Баянмөнх гэгч өнгөрсөн оны долдугаар сарын 6-нд Арга­лант сумын нутаг Хүйтний хонхор гэдэг газар ганц гэрээрээ зусч байсан өндөр настай хоёр хөгш­нийг хэрцгийгээр хөнөөсөн. Тэр­бээр “Мал хулгайлсан талаар цагдаад мэдэгдэх гэлээ” гэх шалт­гаанаар өндөр настай Маг­сар­жавыг малынх нь бэлчээрт олон удаа хутгалж хөнөөгөөд, гэр бү­лийнх нь хүнийг гэрт нь хөнөөсөн билээ. Мөн ой есөн сартай ачийг нь өшиглөж авдар мөргүүлэн ухаан алдуулсан байдаг. Азаар хүү амьд үлдэж, нэг хоног талийгаач эмээ­гийнхээ дэр­гэд байсан талаар манай сонин сурвалжилсан. А.Баянмөнх дээрх хэргийг үйлд­сэ­нийхээ дараа талий­гаачийн хувц­сыг өмсч, эмээл ха­заартай морийг нь унаад зугтаж явахдаа Төв айм­гийн Алтанбулаг сумын нутгаас 18 адуу хулгайлсан байдаг. Цаг­даагийнхан түүнийг малын хулгай хийгээд явж байхад нь ба­рив­чилсан юм. Тэрбээр өмнө нь малын хулгай хийж байжээ. Анхан болон дунд шатны шүүх А.Баян­мөн­хөд цаазын ял оноосон. Дээд шүүх өчигдөр хэргийг хянаж А.Баян­мөнхөд оноосон ялыг хэ­вээр үл­дээлээ.

Ц.ӨРНӨХ