”Мон Уран”-ны Б.Наранхүү 22 тэрбум төгрөгийн зээлээ төлөөгүй байна
”Мон Уран” компанийн захирал Б.Наранхүү ”Анод” банкнаас авсан 22 тэрбум төгрөгийн зээлээ төлсөн гэх мэдээлэл хэд хоногийн ємнє зарим хэвлэлийн хуудаснаа гарчээ. Тодруулбал, тус мэдээлэлд “Мон-Уран”-ы Б.Наранхүү нэр дэвшихийн өмнө бүх өр төлбөрөө дуусгаж нэрээ цэвэрлэсэн сурагтай. Тэрбээр одоогоор дампуурч, хэрэг нь шалгагдаж байгаа “Анод” банкнаас 22 тэрбум төгрөг зээлж, “Дүнжингарав” худалдааны төвийг барьсан гэгддэг” хэмээн бичжээ.
Ийнхүү Б.Наранхүү “Анод” банкнаас авсан 22 тэрбум төгрөгийн зээлээ төлсөн гэх мэдээллийг лавлахыг зорилоо. Дээрх мэдээлэл гарч эхэлсэн өдөртэй давхцан (хоёр долоо хоногийн ємнє) “Анод”, “Зоос”, “Монгол шуудан”, ХЗХ-ын хувьцаа эзэмшигчид, хохирогчид хэвлэлийн хурал хийв. Тэднээс авсан мэдээллээр бол “Анод” банкнаас авсан томоохон зээлдэгчдийн эргэн төлөлт маш хангалтгүй байгаа ажээ. Бараг л эргэн төлөлт хийгдэхгүй байгаа гэдэг мэдээллийг өгөв. Харин “Анод” банкны хохирогч, хувьцаа эзэмшигчийн хэлснээр “Б.Наранхүү зээлээ төлсөн гэж сонсоогүй. Банкны зээлдэгчдийн эргэн төлөлт хийгдэхгүй байгаа. Зээлээ төлсөн эсэхийг “Анод” банкны эрх хүлээн авагч тодорхой мэдэх учиртай” гэсэн юм.
Монголбанкнаас “Анод” банкны үйл ажиллагааг зогсоож эрх хүлээн авагч томилсноос банкны зээлийн эргэн төлөлт, эд хөрөнгийн асуудлыг эрх хүлээн авагч хариуцах учиртай байдаг юм байна. Тухайн зээлдэгч зээлээ төлсөн эсэх баталгааг “Анод” банкны эрх хүлээн авагч гаргах ёстой ажээ. Гэвч Б.Наранхүү зээлээ төлсөн гэх мэдээлэлд Анод” банкны эрх хүлээн авагчтай холбоотой мэдээлэл болоод, Б.Наранхүү зээлээ төлсөн гэх хүлээн авагчийн албан ёсны баримт бичиг, албан тоот тусгагдаагүй байгаа нь энэ мэдээлэл ташаа байх магадлалтай болов.
Энэ талаар мөн “Анод” банкны Хохирогчдын түр хорооны гишүүн Ж.Жигмэддагваас тодруулахад мөн л дээрх хариултын бататгасан мэдээлэл өгөв. Түүнчлэн “Анод” банкны эрх хүлээн авагчдын зүгээс ч Б.Наранхүү зээлээ төлсөн гэх мэдээллийг няцаасан юм. “Мон Уран” компанийн Б.Наранхүүгийн 22 сая төгрөгийн зээлийн асуудлыг сануулахад тэрээр “Дүнжингарав” худалдааны төвийг барихдаа тус банкнаас 22 орчим тэрбум төгрөг зээлсэн байдаг.
Түүний зээлээ төлөөгүй байх нэгэн баримт нь 2010.09.30-ны байдлаар “Анод” банкинд өртэй зээлдэгч нарын судалгааг Монголбанкнаас олон нийтэд танилцуулж байв. Энэ мэдээлэлд Б.Наранхүүгийн “Мон Уран” ХХК нь 22 тэрбум төгрөгийн өртэйг Монголбанк баталсан байдаг.
“Анод” банкинд 500 саяас их өртэй зээлдэгчид
| Зээлдэгчийн нэр | Зээлийн үлдэгдэл | Зээлийн ангилал |
| “Стардевелопмент” ХХК | 5.302.176.498.58 | Муу |
| “Очир төв” ХХК /УИХ-ын гишүүн Д.Дамба-Очир/ | 4.199.899.509.71 | Муу |
| “Жи Энд Юу Голд”ХХК | 3.861.664.100.00 | Муу |
| “Улбаа” ХХК / Б.Гарамгайбаатар/ | 3.858.290.000.00 | Муу |
| “Шарихэрд” ХХК | 3.499.797.001.04 | Муу |
| “Санд” ХХК | 3.358.146.646.75 | Муу |
| “Монгол газар” ХХК /Ц.Мянганбаяр/ | 3.120.197.257.97 | Муу |
| “Дээж-Овоо” ХХК | 3.011.731.638.31 | Муу |
| “Мон Уран” ХХК | 22.000.000.000.00 | Муу |
| “Сити такси” ХХК /Д.Доржготов/ | 2.999.603.794.05 | Эргэлзээтэй |
| “Мон сити” ХХК | 2.831.075.857.21 | Эргэлзээтэй |
| “Эм Энд Жи констрашн” ХХК | 2.499.769.648.44 | Муу |
| “Аэромонголия” ХХК | 2.460.470.508.35 | Муу |
| Иргэн Цогзолмаа | 2.385.751.122.63 | Муу |
| “Аэромонголия” ХХК | 1.900.137.132.30 | Муу |
| “Смарт инт систем” ХХК | 1.804.040.702.77 | Муу |
| “Ай Ти Зэт” ХХК | 1.730.116.663.00 | Муу |
| “Шарын гол” ХК | 1.723.267.00.00 | Муу |
| “Уянга болор” ХХК | 1.642.778.461.02 | Муу |
| “Комитсервис” ХХК | 1.641.425.600.00 | Муу |
| “Уянга болор” ХХК | 1.1.434.352.456.02 | Муу |
| “Гацуурт” ХХК /Л.Чинбат/ | 1.400.000.000.00 | Муу |
| “Ар Пи Эм” ХХК /Б.Гарамгайбаатар/ | 1.349.701.233.75 | Муу |
| “Тас петролиум” ХХК /Р.Пүрэвсүрэн/ | 1.324.934.734.35 | Муу |
| “Жи Энд Юу Голд” | 1.300.000.000.00 | Муу |
| Их барилга төсөл | 1.291.679.886.75 | Муу |
| “Смарт инт систем” ХХК | 1.1.233.062.804.82 | Муу |
| “Шивээговь флюрит” ХХК | 1.226.934.363.34 | Муу |
| “Дээд цэг” ХХК /Б.Гарамгайбаатар/ | 1.200.000.000.00 | Муу |
| “Сэквоя” ХХК | 1.199.969.037.00 | Муу |
| “Мон форте” ХХК | 1.162.866.139.51 | Муу |
| “Хотын зам” ХХК | 1.109.429.698.57 | Муу |
| “Си Эйч Эм Жи Ай” | 1.031.797.832.00 | Муу |
| “Тас петролиум” ХХК/ Р.Пүрэвсүрэн/ | 1.1.021.324.583.33 | Муу |
| “Улбаа” ХХК /Б.Гарамгайбаатар/ | 997.000.000.000.00 | Муу |
| “Гүнтөгөл” ХХК | 996.954.243.57 | Муу |
| “Сэквоя” ХХК | 994.639.700.00 | Муу |
| “Дээд цэг” ХХК /Б.Гарамгайбаатар/ | 766.487.827.00 | Муу |
| “Тодмонгол” ХХК | 728.703.983.00 | Муу |
| “Гацуурт” ХХК /Л.Чинбат/ | 698.312.927.74 | Муу |
| “Шивээговь флюрит” ХХК | 657.000.000.00 | Муу |
| “Си Эф Си групп” ХХК | 632.437.084.24 | Эргэлзээтэй |
| Болдбаатарын Чойжамц | 630.190.125.56 | Муу |
| “Коуль дизель монголия” ХХК | 611.624.879.71 | Муу |
| “Шинэ торгон монгол” ХХК | 602.094.826.90 | Муу |
| “Улбаа” ХХК /Б.Гарамгайбаатар/ | 560.000.000.000 | Муу |
| “ЭХБУ трест” ХК | 533.906.292.00 | Муу |
| Довчинжавын Отгонбилэг | 1.100.000.000.00 | Муу |
| “Жи Энд Юу Голд”ХХК | 500.000.000 | Муу |
Энэ оны хоёрдугаар сард мөн түүнийг зээлтэй холбоотой эрүүгийн хэрэг үүсгэн шалгаж байгаа гэх мэдээлэл гарч байв. Ямартай ч Б.Наранхүү 22 тэрбум төгрөгийн өрөө төлсөн гэдэг мэдээллийг албаны болоод ойрын эх сурвалжууд үгүйсгэж байна.
Б.Наранхүү эрхэм энэхүү мэдээллийг олон нийтэд санаатайгаар цацаж “бор шувуу” нисгэсэн нь анхаарал татаж буй юм. Тэрээр АН-аас УИХ-ын сонгуульд Дундговь аймагт өрсөлдєж байгаа билээ. Дээрх мэдээллийг олон нийтэд цацаж эхэлсэн нь УИХ-ын сонгуульд өрсөлдсөнтэй холбоотой байж болзошгүй хэмээн хардах хүмүүс байгаа юм. УИХ-ын сонгуульд нэр дэвшигчийн журамд тухайн нэр дэвшигч нь өр зээлгүй байх тухай хуульчлагдсан байдагтай холбоотойгоор дээрх мессежийг олон нийтэд хүргэхийг зорьсон байх магадлалтай ажээ.
Банкинд тавьсан их хэмжээний өрийн асуудал сонгуулийн үеэр түүнд сөхөгдөж магадгүй гэсэн үүднээс ч ийм мэдээлэл олон нийтэд цацсан байхыг үгүйсгэхгүй. Газрын наймаагаар хөлжиж, тэрбумтны эгнээнд шилжсэн Б.Наранхүү босс “Анод” банкнаас зээлсэн 22 тэрбум төгрөгийн өрөө төлсөн гэх мэдээлэл ташаа болох нь ойлгогдлоо. Хөрөнгө мөнгөтэй хүн хуулийг гууль болгож, Сонгуулийн тухай хууль, төр барих дээд байгууллагыг сонгох хуулийн зүйл заалтыг зөрчиж болдгийн жишээг түүнээс харж болох нь. Сонгуульд Дундговьчуудад мөнгөөр “бороо” оруулахаар ил далдаар хэлж суугаа түүнийг Дундговьчууд хэрхэн хүлээн авах бол гэдэг нь таамаг байна. АН-ын удирдлагууд угтаа хөрөнгө мөнгө, бэл бэлчин харалгүй чадвартай гишүүдээ сойж буй гэх тэднийг мэдээлэл ташаа болохыг Б.Наранхүүгээс харж болох нь. Хэрвээ Б.Наранхүү Дундговьчуудын итгэлийг хүлээж УИХ-ын гишүүн болчихвол 22.0 тэрбум төгрөгийн өрөө төлж барагдуулахгүйгээр үл барам, УИХ-ын гишүүний халдашгүй бүрэн эрх гэдгээр халхавчлан хууль шүүхийн байгууллагуудад ч шалгагдахгүй болох юм. Тэр үүнийг л хүсэж байгаа учраас ямарч үнээр хамаагүй Дундговь аймгаас УИХ-ын гишүүн болохоор “улайран” тэмцэж байна. Ардчиллыг эрхэмлэдэг гэх АН, ардчилалгүйгээр Б.Наранхүүг хэдхэн цагийн дотор гишүүнээрээ элсүүлж, төд удалгүй Дундговь аймагт намынхаа нэрийн өмнөөс УИХ-ын сонгуульд нэрийг нь дэвшүүлсэн нь олон нийтэд АН-д итгэл алдрахад хүргэж байна.
Т.АМУР
Olloo.mn
URL:
