Бяцхан хөвгүүдтэй рок попынхон хамтрах гэнэ

Гэгээн Валентины баяраар анхны бие даасан тоглолтоо “Хайр ирлээ” нэртэйгээр үзэгч фенүүддээ толилуулж “АСА” циркт хоёр өдөр тэднийг чуулуулж байсан “Good boys” хамтлаг хүүхдийн баяраар тоглох ажээ.

“Эх дэлхийгээ хайрлая” уриан дор хийж байгаа “6 сарын 1″ хэмээх энэ тоглолт нь шоу хэлбэрээр явагдах агаад тэдэнтэй энэ удаа олны танил болсон Монголын рок поп хамтлагуудын хөгжимчид дэмжиж оролцох юм байна.

Монголын хүүхдийн ордны дууны дугуйлангаас урлагийн ертөнцөд хөл тавьсан эдгээр хөвгүүн өдгөө 50 гаруй дууг өөрийн болгож урын сандаа багтаажээ.

Дашрамд дурьдахад дээр өгүүлсэн хөгжимчдөөс гадна тэдэнтэй гавьяат жүжигчин, дуучин Ч.Насантогтох, Нара, “TV коктейль”-ийнхон болон орчин үеийн бүжгийн “Арга билэг” хамтлагийнхан хамтран тоглох юм байна.