“Рио Тинто” Оюутолгойгоос өөр хөрөнгийг сонирхохгүй гэв

Австралийн уул уурхайн гигант “Рио Тинто” компанийн зэсийн салбарыг хариуцсан хэсгийн тэргүүн Эндрю Хардингийн мэдэгдсэнээр тус компани “Айвенхоу Майнз”-ын эзэмшилд буй ордуудаас зөвхөн Оюутолгойг л сонирхож буйг “Dow Jones Newswire’’-д уламжилжээ.

Тэрбээр ирэх оноос уйлдвэрлэлээ эхлүүлэх Оюутолгойн уурхайг сонирхож буй учир “Рио Тинто” “Айвенхоу” дахь эзэмшлийн хувиа нэмэгдүүлсэн хэмээсэн байна. Одоогийн байдлаар “Рио Тинто” компани “Айвенхоу Майнз”-ийн 51 хувийг эзэмшиж байгаа ч “Айвенхоу”-гийн CEO Роберт Фрийдланд 13.7 хувийг ззэмшсээр байгаа юм. Канадын хуульд зааснаар компанийг хөрөнгө оруулагч нь өөрийн эзэмшилд оруулахын тулд багаар бодоход хувьцааны 90 хувийг худалдаж авсан байх ёстой аж.