Д.Ука цомгоо бэлэглэлээ

“Киви” хамтлагийн ахлагч дуучин Ука өнөөдөр бие даасан “I’m in love” цомгийн өдөрлөгөө “Hi-Fi Mega Store”-т хийлээ. Түүний цомгийг авахаар ирсэн бүх фенүүддээ дуучин Ука гэнэтийн бэлэг барив. Тэрбээр ирсэн бүх хүмүүст “I’m in love” цомгоо болон зурагт хуудас, энгэрийн тэмдэг бэлэглэсэн юм.

Гэнэтийн бэлэг  фенүүдэд нь таалагдсан. Укатай хамт зургаа татуулж, гарын үсгийг нь авч, үнэгүй цомог авсан фенүүд нь тун ч сэтгэл хангалуун “Hi-Fi Mega Store”-оос явцгаасан.

Харин энэ өдөр дуучин бүсгүй шаргал өнгийн дэрвэгэр хормойтой даашинзаар гоёсон байв. Тэрбээр гоёлынхоо талаар хэлэхдээ “Миний ээжийн найз энэ даашинзыг надад бэлэглэсэн. Цомгийнхоо өдөрлөгт зориулан энэ даашинзаа өмслөө. Урин дулаан цаг ирсэн болохоор ийнхүү цомгийнхоо өдөрлөгийг хийж байна” хэмээн тайлбарласан.

Сонирхуулахад, дуучин Д.Укагийн “I’m in love” цомогт 12 дуу багтсан бөгөөд сар бүр нэг шинэ клипээ үзэгчдэд хүргэхээр Ука төлөвлөөд байгаа гэсэн шүү.